Дар Кумитаи кор бо ҷавонон ва варзиш бо иштирокдорони шашумин Бозиҳои ҳамбастагии исломӣ-2025 вохӯрӣ доир гардид
ДУШАНБЕ, 03.11.2025 /АМИТ «Ховар»/. Дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо ҳайати масъулин, мураббиён ва варзишгарони Ҷумҳурии Тоҷикистон, ки ҷиҳати иштирок дар шашумин Бозиҳои ҳамбастагии исломӣ ба шаҳри Риёзи Шоҳигарии Арабистони Саудӣ сафар менамоянд, вохӯрӣ доир гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Тоҷикистонро дар ин мусобиқаи сатҳи баланд 134 нафар намояндагӣ мекунанд. Аз ҷумла, 54 нафар масъулину мураббиён, 7 нафар ҳайати роҳбарикунанда ва 69 нафар варзишгар аз рӯи 12 намуди варзиш мебошанд.
Мадина Қурбонзода – барандаи медали тиллои Чемпионати Осиё байни занон аз риштаи гӯштини ҷудо ва Эмомалӣ Нуралӣ – ноибқаҳрамони Чемпионати ҷаҳон оид ба гӯштини ҷудо байни калонсолон ҳамчун парчамбардорони дастаи мунтахаби Ҷумҳурии Тоҷикистон дар маросими кушодашавии шашумин Бозиҳои ҳамбастагии исломӣ интихоб шудаанд.
Бозиҳои ҳамбастагии исломӣ дар соли 2025 аз 7 то 21 ноябр дар шаҳри Риёзи Арабистони Саудӣ, таҳти сарпарастии Ассотсиатсияи варзишии ҳамбастагии исломӣ баргузор мешавад.
Ёдовар мешавем, ки Арабистони Саудӣ маротибаи дуюм аст, ки мизбонии ин мусобиқаи сатҳи баландро бар уҳда мегирад. Дар мусобиқа варзишгарони 57 давлат аз рӯи 19 намуди варзиш иштирок мекунанд.
Дар охирин Бозиҳои ҳамбастагии Исломӣ дар шаҳри Қунияи Туркия варзишгарони тоҷик ба гирифтани 3 медали нуқра ва 5 нишони биринҷӣ мушарраф гардида буданд.
АКС аз манбаъҳои боз
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
