Дар ноҳияи Рӯдакӣ бинои нави милитсияи деҳоти Зайнабобод ба истифода дода шуд
ДУШАНБЕ, 11.11.2025 /АМИТ «Ховар»/. Ба ифтихори ҷашни 35-солагии Истиқлоли давлатӣ ва бахшида ба Рӯзи милитсияи тоҷик бо иштироки Вазири корҳои дохилии Ҷумҳурии Тоҷикистон Рамазон Раҳимзода бинои нави маъмурии шуъбачаи милитсияи деҳоти Зайнабободи шуъбаи Вазорати корҳои дохилӣ-1 дар ноҳияи Рӯдакӣ мавриди истифода қарор дода шуд. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Бинои нави маъмурии милитсияи деҳоти Зайнабободи шуъбаи Вазорати корҳои дохилӣ-1 дар ноҳияи Рӯдакӣ аз таҳхона ва 3 ошёна иборат буда, бо сатҳу сифати баланд сохта шудааст. Дар бино қисми навбатдорӣ, ҳуҷраҳои корӣ ва маҷлисгоҳ ҷойгир буда, ҳуҷраҳо бо мизу курсӣ, компютерҳои замонавӣ ва дигар дастгоҳу таҷҳизоти корӣ муҷаҳҳаз гардонида шудаанд.
Ба минтақаи хизматии милитсияи деҳот 58 ҳазор нафар аз аҳолии ҷамоатҳои шаҳраку деҳоти Зайнабобод, Султонобод ва Турсунзодаи ноҳияи Рӯдакӣ дохил мешавад.
Вазири корҳои дохилии Ҷумҳурии Тоҷикистон Рамазон Раҳимзода кормандони милитсияи деҳоти Зайнабободи шуъбаи Вазорати корҳои дохилӣ-1 дар ноҳияи Рӯдакиро даъват намуд, ки мубориза бар зидди ҳама гуна зуҳуроти номатлубро таҳким бахшида, бо шаҳрвандон хушмуомила ва дар ҳамкории зич қарор дошта бошанд.
Вазири корҳои дохилӣ ба собиқадорони милитсия ва ҷавонони фаъоли ноҳияи Рӯдакӣ барои иштироки фаъолона дар корҳои ҷамъиятӣ Сипоснома тақдим намуд.
АКС: Мақомоти иҷроияи ҳокимияти давлатии ноҳияи Рӯдакӣ
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
