«Истиқлол»-и шаҳри Душанбе барои бозӣ бо дастаи футболи «Ал-Завра»-и Ироқ ба шаҳри Бағдод сафар кард
ДУШАНБЕ, 03.11.2025 /АМИТ «Ховар»/. 2 ноябр дастаи футболи «Истиқлол»-и шаҳри Душанбе барои иштирок дар бозии даври чоруми марҳилаи гурӯҳии Лигаи қаҳрамонҳои дуи AFC (Конфедератсияи футболи Осиё)-2025/26 бо дастаи футболи «Ал-Завра»-и Ироқ ба шаҳри Бағдоди давлатӣ Ироқ расид. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Бозии даври чорум дар гурӯҳи «D» байни дастаҳои футболи «Ал-Завра»-и Ироқ ва «Истиқлол»-и шаҳри Душанбе шоми 5 ноябр дар Варзишгоҳи Ал-Завраи Бағдод соати 21:00 бо вақти Душанбе оғоз меёбад.
Ёдовар мешавем, ки дастаи футболи «Истиқлол»-и шаҳри Душанбе дар даври сеюми марҳилаи гурӯҳӣ 22 октябр дар Варзишгоҳи марказии шаҳри Ҳисор дастаи футболи «Ал-Завра»-ро бо ҳисоби 2:1 мағлуб карда буд.
Қаблан дастаи футболи «Истиқлол»-и шаҳри Душанбе дар даври аввал дар меҳмонӣ 17 сентябр аз дастаи футболи «Ал-Наср»-и Арабистони Саудӣ бо ҳисоби 0:5 шикаст хӯрда, дар даври дуюм, 1 октябр дар Варзишгоҳи марказии шаҳри Ҳисор бар дастаи футболи «Гоа»-и Ҳиндустон бо ҳисоби 2:0 пирӯз шуда буд.
Дар бозии дигари даври чорум дар гурӯҳи «D» — 5 ноябр дастаи футболи «Ал-Наср»-и Арабистони Саудӣ дар майдони худ бо дастаи футболи «Гоа»-и Ҳиндустон, ки соати 23:15 бо вақти Душанбе шуруъ мешавад, бозӣ мекунад.
Бояд гуфт, ки дастаи «Истиқлол»-и шаҳри Душанбе барои аз ҷойи дуюм аз гурӯҳ баромадан имконияти хуб дорад. Ҷойи аввалро, бешубҳа, дастаи футболи «Ал-Наср» соҳиб мешавад, ки дар ҳамин ҳол бо 9 имтиёз пешсаф аст. Дастаи футболи «Истиқлол»-и шаҳри Душанбе бо 6 имтиёз дар ҷойи дуюм ва дастаи футболи «Ал-Завра»-и Ироқ бо 3 имтиёз дар ҷойи сеюм қарор доранд. Дастаи «Гоа»-и Ҳиндустон бидуни имтиёз дар зинаи охирин мебошад.
Ба назари коршиносон, барои ба мақсади худ расидан қаҳрамони Тоҷикистонро мебояд дар меҳмонӣ бозии ҷавобиро бо дастаи футболи «Ал-Завра»-и Ироқ мусовӣ анҷом диҳад.
Дастаи ғолиби минтақаҳо ҳуқуқ пайдо мекунад, ки соли оянда дар Лигаи элита ё бартари бошгоҳҳои футболи Осиё иштирок намояд.
АКС: Федератсияи футболи Тоҷикистон
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
