Мусобиқаи байналмилалӣ оид ба шоҳмот барои дарёфти «Ҷоми Президенти Ҷумҳурии Тоҷикистон» оғоз гардид
ДУШАНБЕ, 11.11.2025 /АМИТ «Ховар»/. 10 ноябр дар шаҳри Душанбе бо иштироки Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдулло Раҳмонзода Мусобиқаи байналмилалӣ оид ба шоҳмот барои дарёфти «Ҷоми Президенти Ҷумҳурии Тоҷикистон» ба таври расмӣ ифтитоҳ гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мусобиқа тибқи тақвими Федератсияи байналмилалии шоҳмот ва Нақшаи ягонаи тақвимии чорабиниҳои тарбияи ҷисмонӣ ва варзишии Ҷумҳурии Тоҷикистон барои соли 2025 амалӣ мегардад.
Мусобиқа бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи шоҳмоти Тоҷикистон баргузор шуда, то 16 ноябр дар шаҳри Душанбе идома меёбад.
Дар мусобиқа зиёда аз 250 варзишгар аз 16 кишвари ҷаҳон иштирок менамоянд. Чорабинӣ ба ифтихори Рӯзи Президенти Ҷумҳурии Тоҷикистон баргузор шуда, ҳадафи он рушди минбаъдаи шоҳмот дар мамлакат, тақвияти ҳамкории байналмилалӣ ва тарғиби тарзи ҳаёти солим байни ҷавонон мебошад.
Дар мусобиқа ташаббусҳои варзишпарваронаи Пешвои миллат муҳим арзёбӣ гардид. Ҳамзамон баргузории чунин мусобиқаҳо барои баланд бардоштани сатҳи касбии варзишгарони тоҷик ва муаррифии шоистаи Ҷумҳурии Тоҷикистон дар арсаи байналмилалӣ муҳим дониста шуд.
Мусобиқа бо фарогирии шоҳмотбозони сатҳи гуногун доир шуда, ба рушди минбаъдаи ин намуди варзиш дар мамлакат такони ҷиддӣ мебахшад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
