Тоҷикистон нишасти намояндагони доимии Осиёи Марказӣ дар СММ-ро баргузор намуд
ДУШАНБЕ, 26.11.2025 /АМИТ «Ховар»/. 25 ноябр Намояндагии доимии Ҷумҳурии Тоҷикистон дар Созмони Милали Муттаҳид нишасти намояндагони доимии Осиёи Марказӣ дар ин созмонро бо ҳамраисони Гурӯҳи кории ғайрирасмӣ оид ба баррасии татбиқи ваколатҳои ислоҳоти Созмони Милали Муттаҳид – Ташаббуси СММ-80 Брайан Уоллес, Намояндаи доимии Ямайка ва Кэролин Швалгер, Намояндаи доимии Зеландияи Нав баргузор намуд.
Тавре ба АМИТ «Ховар» аз Намояндагии доимии Ҷумҳурии Тоҷикистон дар Созмони Милали Муттаҳид хабар доданд, чорабинии мазкур барои мубодилаи афкор оид ба раванди кунунии ислоҳоти СММ-80, аз ҷумла баррасии ваколатҳо, устувории молиявӣ ва боло бурдани самаранокии низоми Созмони Милали Муттаҳид имконияти хуб фароҳам овард.
Иштирокчиёни нишаст аҳамияти таъмини фарогирии ислоҳот, инъикоси афзалияти минтақавӣ, дастгирии ниҳодҳои калидии Созмони Милали Муттаҳид ва истифодаи абзорҳои муосир, ба монанди зеҳни сунъиро барои беҳтар кардани самаранокӣ ва сифати қабули қарорҳо таъкид карданд.
Намояндаи доимии Тоҷикистон дар Созмони Милали Муттаҳид Ҷонибек Ҳикмат зарурати дастёбӣ ба натиҷаҳои амалӣ ва муассирро дар раванди ислоҳоти СММ-80, аз ҷумла таҳлили ҳамаҷонибаи ваколатҳои мавҷуда барои тамаркуз ба афзалияти воқеӣ ва пешгирӣ аз такроршавандагӣ таъкид кард. Илова ба ин иброз гардид, ки ниҳодҳои калидии Созмони Милали Муттаҳид бояд кори муҳими худро дар маҳалҳо идома диҳанд ва манфиатҳои кишварҳои Осиёи Марказӣ бояд дар ин раванд пурра ба назар гирифта шаванд.
Дар анҷом иштирокдорони нишаст бори дигар уҳдадориҳои кишварҳои хешро барои ҳамкории фаъол ва созанда дар дастгирии ислоҳоти мутавозин, фарогир ва дарозмуддати Созмони Милали Муттаҳид тасдиқ карданд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
Моҳи майи соли 2027 дар Душанбе Конфронси байналмилалии сатҳи баланд роҷеъ ба оғози Даҳсолаи таҳкими сулҳ баргузор мешавад
Сафири Тоҷикистон бо Вазири федералии энергетикаи Покистон мулоқот намуд
Рушди муносибатҳои дуҷонибаи Тоҷикистону Умон баррасӣ гардид
Дурнамои ҳамкории Тоҷикистон ва Кувайт дар соҳаи маориф баррасӣ шуд
Шараф Шерализода бо ҳамраисони иҷроия ва аъзои Шурои директорони Палатаи муштараки савдои Швейтсария мулоқот намуд
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
Ба бузургдошти Робиаи Балхӣ ва Ҳофизи Шерозӣ дар Вена ҳамоиш доир гардид
