ТУРИЗМ ДАР ШОҲРОҲИ АБРЕШИМ-2025. Дар намоишгоҳи байналмилалӣ имконоти сайёҳии Тоҷикистон муаррифӣ мегардад
ДУШАНБЕ, 28.11.2025 /АМИТ «Ховар»/. Аз 27 то 29 ноябр дар шаҳри Тошканди Ҷумҳурии Узбекистон Намоишгоҳи байналмилалии сайёҳии «Туризм дар Шоҳроҳи Абрешим–2025» мегузарад, ки дар он ширкатҳои сайёҳии ватанӣ имконоти сайёҳии Тоҷикистонро муаррифӣ менамоянд. Дар ин хусус ба АМИТ «Ховар» аз Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Иттилоъ дода шуд, ки дар намоишгоҳ беш аз 300 намояндаи соҳаи сайёҳии 30 давлати ҷаҳон иштирок доранд.
Дар гӯшаи сайёҳии Тоҷикистон бартарияти рақобатнокии Тоҷикистон, аз ҷумла иқтидори бойи табиӣ, сайёҳии табобатию солимгардонӣ ва имконияти машғул шудан ба намудҳои сайёҳии экологӣ, варзишию кӯҳнавардӣ, фарҳанги нодир ва тамаддуни бою қадимӣ инъикос гардида, иқтидори сайёҳии ҷумҳурӣ муаррифӣ карда шуд.
Намояндагони Тоҷикистон аз ҷараёни намоишгоҳ иттилоъ доданд, ки платформаи намоишгоҳ имкон медиҳад, ки дар он ташкилоту ассотсиатсияҳои сайёҳӣ ва дигар субъектҳои соҳаи сайёҳии мамлакат хизматрасониҳояшонро ба бозори ҷаҳонии сайёҳӣ пешниҳод намоянд.
Дар доираи намоишгоҳ вохӯриҳои «В2В» доир шуда, созишномаҳои нави ҳамкорӣ ба имзо мерасанд.
Раиси Кумитаи рушди сайёҳии назди Ҳукумати Ҷумҳурии Тоҷикистон бо намояндагони Созмони умумиҷаҳонии сайёҳӣ ва мақомоти сайёҳии кишварҳои ҳамшарик вохӯрӣ намуд.
Зимни вохӯриҳо масъалаи дурнамои рушди ҳамкории минтақавӣ дар соҳаи сайёҳӣ бо мақсади тавсеаи минбаъдаи робитаҳои мутақобили судманд баррасӣ гардид.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
ВОДИИ ЯҒНОБ- ОСОРХОНАИ ЗИНДАИ ЭТНОГРАФӢ. Ин мавзеъ таваҷҷуҳи сайёҳонро зиёдтар ҷалб менамояд
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
