Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид

ДУШАНБЕ, 17.11.2025 /АМИТ «Ховар»/. Варзишгари тоҷик Шаҳром Маҳмуродов барандаи медали тиллои Чемпионати ҷаҳон оид ба варзиши ҷиу-ҷитсу гардид. Дар ин хусус ба шореҳи варзиши  АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Чемпионати ҷаҳон оид ба варзиши  ҷиу-ҷитсу байни  наврасон дар шаҳри Бангкоки Таиланд хеле ҷолиб  баргузор гардида, дар он 1 400 варзишгар аз 54 давлати  дунё иштирок намуданд.

Шаҳром Маҳмуродов дар вазни 62 кг пас аз ҳашт рақобати  шадид дар ду категория тавонист медали тилло ба даст оварда, бори чорум чемпиони ҷаҳон шавад. Ӯ нахустин варзишгари тоҷикест, ки дар намуди «Ne Waza» ба ин дастовард ноил гардидааст.

                                                                                       АКС аз манбаъҳои боз