Дар шоҳроҳи ноҳияи Данғара мусобиқаи ҷумҳуриявӣ оид ба велосипедронӣ баргузор гардид
ДУШАНБЕ, 01.12.2025 /АМИТ «Ховар»/. Дар шоҳроҳи ноҳияи Данғараи вилояти Хатлон бо иштироки варзишгарони минтақаҳои гуногуни мамлакат мусобиқаи ҷумҳуриявӣ оид ба велосипедронӣ баргузор гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Мусобиқа бо ибтикори Кумитаи кор бо ҷавонон ва варзиш ва Федератсияи велосипедронӣ дар ҳамбастагӣ бо Мақомоти иҷроияи ҳокимияти давлатии вилояти Хатлон ва ноҳияи Данғара ташкил карда шуд.
Масъулон иброз намуданд, ки баргузории чунин чорабиниҳои варзишӣ ба ташвиқи тарзи ҳаёти солим, тақвияти тарбияи ҷисмонӣ, боло бурдани шавқу ҳавасмандии ҷавонон ба варзиш ва муайянсозии варзишгарони боистеъдод мусоидат мекунад.
Ҳукумати Ҷумҳурии Тоҷикистон ба рушди инфрасохтори варзишӣ, баланд бардоштани сатҳи омодагии варзишгарон ва оммавӣ гардонидани намудҳои гуногуни варзиш таваҷҷуҳи ҷиддӣ зоҳир менамояд.
Дар мусобиқа дастаҳо аз вилоятҳои Хатлон, Суғд, шаҳри Душанбе, инчунин дӯстдорони ин навъи варзиш аз ноҳияи Данғара иштирок намуда, маҳорати худро дар ин намуди варзиш санҷиданд.
Дар анҷоми мусобиқа ғолибон бо диплом, сипоснома ва туҳфаҳои хотиравӣ қадрдонӣ шуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
