ДУШАНБЕ-ШАҲРИ САБЗ. Дар пойтахт зиёда аз 12 миллион дона гулҳои мавсимию бисёрсола шинонида мешаванд
ДУШАНБЕ, 27.12.2025. /АМИТ «Ховар»/. Дар мавсими нави ниҳолшинонӣ дар ҳудуди шаҳри Душанбе 12 миллиону 475 ҳазору 368 дона гулҳои мавсимию бисёрсола шинонида мешаванд. Дар ин хусус ба АМИТ «Ховар» аз шуъбаи ободонӣ ва кабудизоркунии дастгоҳи Раиси шаҳри Душанбе хабар доданд.
Ин тадбир дар асоси Қарори Раиси шаҳри Душанбе бо мақсади таъмини сабзазоркунию хуррамгардонӣ ва ободу зебо гардонидании гулгашту хиёбонҳо ва боғҳои фарҳангу фароғатӣ амалӣ карда мешавад.
Ба иттилои директори Корхонаи воҳиди давлатии таҷрибавии илмию истеҳсолии «Сабзкорӣ» Олимхон Тағозода, яке аз иқдоми наҷиби Раиси шаҳри Душанбе муҳтарам Рустами Эмомалӣ ба «шаҳри сабз» табдил додани пойтахт аст. Ин амали нек идомаи сиёсати ободкоронаи Пешвои миллат мебошад. Ҳамзамон бо назардошти мубрам боқӣ мондани масъалаи тозагӣ ва экологӣ дар шароити шаҳрҳои калон, махсусан пойтахтҳои давлатҳо ин пешниҳод ҳамовозии саросарӣ пайдо намуд.
Корхонаи воҳиди давлатии таҷрибавии илмию истеҳсолии «Сабзкорӣ» дар самти сабзкорӣ намудани кӯчаю хиёбон, боғҳо ва шаҳраку маҳаллаҳои пойтахт саҳми назаррас дорад. Дар ҳудуди ин корхона 1 гармхонаи нави замонавии ба талаботи муосир ҷавобгӯ дар 2000 метри мураббаъ фаъолият менамояд. Ҳамчунин 4 гармхонаи калон дар 5040 метри мураббаъ ва 13 гармхонаи хурд дар 2340 метри мураббаъ аз таъмири асосӣ бароварда шуданд, ки барои парвариши гулҳо дар ҳама мавсим мусоид мебошанд.
Инчунин барои парвариши гулҳои мавсимии ороишӣ беш аз 1900 метри мураббаъ катҳои гулпарварӣ ва дар 5120 метри мураббаъ палҳо барои коридани тухмии гулҳо ва парвариши гулҳои кӯчатӣ сохта шудаанд. Гармхонаҳои корхона бо пардаи шаффофи полиэтиленӣ пӯшонида шуда, ҳангоми фарорасии гармии баҳор ва тобистон бо тӯр иваз карда мешаванд.
Солҳои охир таҳти таваҷҷуҳи махсуси Пешвои миллат муҳтарам Эмомалӣ Раҳмон ва талошҳои мунтазами Раиси шаҳри Душанбе муҳтарам Рустами Эмомалӣ масъалаи сабзазоркунӣ дар Тоҷикистон, махсусан дар шаҳри Душанбе ривоҷу равнақ меёбад. Ин ташаббусҳо барои пок гардонидани муҳити зист, тоза нигоҳ доштани фазои экологӣ ва зебо гардидани кӯчаю хиёбонҳо нақши муҳиму арзанда доранд.
Зарангези ЛАТИФ,
АМИТ «Ховар»
АКС: АМИТ «Ховар»
ТОҶИКИСТОН — ДАВЛАТИ ТАШАББУСКОР. Иқдомҳои Президенти Тоҷикистон ба пешгирии тағйирёбии иқлим ва обшавии босуръати пиряхҳои минтақаю ҷаҳон нигаронида шудаанд
ҲАМКОРИИ ТОҶИКИСТОН БО FAO. Дараи Алмосӣ, гӯсфанди зоти ҳисорӣ ва ангури тоифии гулобӣ ба Феҳристи «Низоми мероси кишоварзии дорои аҳамияти ҷаҳонӣ» ворид гардидаанд
ИСТИҚЛОЛИ ДАВЛАТӢ ВА РУШДИ ИЛМИ ҲУҚУҚШИНОСӢ. Бо роҳбарии Пешвои миллат Эмомалӣ Раҳмон Тоҷикистон тавонист низоми ҳуқуқии миллӣ эҷод намояд
ҒИЗОИ СОЛИМ. Истеъмоли сабзавот дар фасли баҳор ва тобистон аҳамияти боз ҳам бештар пайдо мекунад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
ИҚТИСОДИ РАҚАМӢ ВА ИННОВАТСИЯ. Истифодаи самараноки технологияҳои иттилоотӣ омили муҳими пешрафти китобхонаҳо аст
ИСТИҚЛOЛИ ДAВЛAТӢ ВA РУШДИ ДAВЛAТДOРИИ МИЛЛӢ. Андешаҳо дар ин маврид
Кумаки Пешвои миллат муҳтарам Эмомалӣ Раҳмон ба иштирокчии ҷанг аз Душанбе расонида шуд
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
АЗ ПАЁМ ТО ПАЁМ. Дастуру супоришҳои Президенти Ҷумҳурии Тоҷикистон дар соҳаҳои иқтисод саривақт, босифат ва дар сатҳи баланд иҷро мешаванд
Соли 2024 Маҷмаи Умумии СММ пешниҳоди Тоҷикистон доир ба эълони Рӯзи ҷаҳонии футболро пазируфт
