Мусобиқа оид ба футбол байни дастаҳои деҳаҳо ва маҳаллаҳои аҳолинишини Тоҷикистон ҷамъбаст гардид

ДУШАНБЕ, 15.12.2025 /АМИТ «Ховар»/. Дар варзишгоҳи ҷумҳуриявӣ марҳилаи ниҳоӣ ва маросими қадрдонии ғолибони мусобиқаи варзишӣ оид ба футбол байни дастаҳои деҳаҳо ва маҳаллаҳои аҳолинишини ҷумҳурӣ  баргузор гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Иброз гардид, ки баргузории чунин мусобиқаҳои оммавию варзишӣ дар байни аҳолӣ, бахусус ҷавонон ба тарғиби тарзи ҳаёти солим, рушди футбол ва таҳкими дӯстию ҳамбастагӣ мусоидат менамояд.

Дар фарҷоми мусобиқа ғолибон бо Ҷом, медал, Диплом ва мукофотпулӣ қадрдонӣ гардиданд. Аз ҷумла, барои ҷойи аввал дастаи шаҳру ноҳияҳои тобеи ҷумҳурӣ-1 бо маблағи 35 000 сомонӣ, барои ҷойи дуюм дастаи Хатлон-2 бо 30 000 сомонӣ ва барои ҷойи сеюм дастаи Хатлон-1 бо 25 000 сомонӣ сарфароз гардонида шуданд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон