ТАҚВИМИ АМИТ «ХОВАР»: имрӯз 17 декабр, чоршанбе, 351-умин рӯзи соли 2025 аст

17 декабри соли 2012 дар Туркия Президенти Ҷумҳурии Тоҷикистон муҳтарам Эмомалӣ Раҳмон бо унвони доктори  фахрии риштаи робитаҳои байналмилалии Донишгоҳи Мавлоно сарфароз гардонида шуданд.

***

17 декабри соли 2016   Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Ҳиндустон сафари давлатӣ намуданд.

17 ДЕКАБР:

Рӯзи хаткашон

***

 Рӯзи кинои Беларус.

***

Дар Қазоқистон – Рӯзи энергетика.

***

Дар  Бутан- Рӯзи миллӣ.

РӮЙДОДҲО:

17 декабри соли 2012 дар Туркия Ёддошти тафоҳуми Кумитаи сармоягузорӣ ва амволи давлатии Тоҷикистон ва ширкати Кока-колаи Туркия доир ба ҳамкорӣ ба имзо расид.

***

Дар ин рӯзи соли 2018 Шурои Маҷлиси намояндагон «Барномаи миёнамуҳлати рушди Ҷумҳурии Тоҷикистон барои солҳои 2016-2020» дар самти таъмини амнияти озуқавории Ҷумҳурии Тоҷикистонро мавриди баррасӣ қарор дод.

***

17 декабри соли 1962 Конститутсияи Монако ба амал бароварда шуд.

***

Соли 1965 ғафстарин шумораи «Ню-Йорк Таймс» дар ҳаҷми 964 саҳифа ва вазни 7 килограмм нашр шуд.

***

Соли 1986 дар Кембриҷ аввалин маротиба ҷарроҳии дар як вақт аз як кас ба каси дигар гузаронидани дил, ҷигар ва шуш гузаронида шуд.

***

Соли 1926 нахустин барӯйхатгирии аҳолӣ дар Иттиҳоди Шуравӣ гузаронида шуд.

***

17 декабри соли 1903 аввалин парвози ҳавопаймо дар ҷаҳон дар Иёлоти Муттаҳида ба амал омад.

ДАР ИН РӮЗ ТАВАЛЛУД ШУДААСТ:

Моёншо Назаршоев -соли 1929, арбоби давлатӣ, вакили Парлумони Тоҷикистон, олим, доктори илмҳои таърих, профессор. Арбоби илм ва техникаи Тоҷикистон.