Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
ДУШАНБЕ, 12.01.2026 /АМИТ «Ховар»/. Аз 1 январи соли 2026 раёсат дар Шуро оид ба авиатсия ва истифодаи фазои ҳавоии Иттиҳоди Давлатҳои Мустақил (ИДМ) ба Ҷумҳурии Тоҷикистон гузашт. Дар ин хусус ба АМИТ «Ховар» аз Агентии авиатсияи граждании назди Ҳукумати Ҷумҳурии Тоҷикистон хабар доданд.
Салоҳиятҳои раёсат дар Шуро аз Федератсияи Русия ба Ҷумҳурии Тоҷикистон гузашта, муҳлати раёсат се солро ташкил медиҳад.
Фаъолияти Шуро таҳти раёсати намояндаи ваколатдори Тоҷикистон — директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода амалӣ мешавад.
«Ин раёсат масъулияти мутахассисони соҳаи авиатсияи гражданиро боз ҳам бештар намуда, рушди авиатсияи граждании кишварро дар арсаи байналмилалӣ тақвият мебахшад», — таъкид намуданд дар Агентии авиатсияи граждании назди Ҳукумати Ҷумҳурии Тоҷикистон.
Хотиррасон мешавем, ки моҳи ноябри соли 2025 дар шаҳри Москва дар ҷаласаи 47-уми Шурои авиатсия ва истифодаи фазои ҳавоии Иттиҳоди Давлатҳои Мустақил раёсат дар Шуро оид ба авиатсия ва истифодаи фазои ҳавоии Иттиҳоди Давлатҳои Мустақил (ИДМ) ба уҳдаи Тоҷикистон гузошта шуд.
АКС: Агентии авиатсияи граждании назди Ҳукумати Ҷумҳурии Тоҷикистон
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
