Дар «Тоҷикаэронавигатсия» масъалаи муқовимат ба коррупсия баррасӣ карда шуд
ДУШАНБЕ, 20.01.2026 /АМИТ «Ховар»/. Бо мақсади татбиқи сиёсати зиддикоррупсионии Ҳукумати Ҷумҳурии Тоҷикистон дар Корхонаи воҳиди давлатии «Тоҷикаэронавигатсия» «Барномаи идоравии зиддикоррупсионӣ барои солҳои 2022-2030» таҳия ва тасдиқ гардидааст, ки дар доираи он нақшаи чорабиниҳо амалӣ мешавад.
Ин нукта дар ҳамоише, ки дар Корхонаи воҳиди давлатии «Тоҷикаэронавигатсия» бо иштироки роҳбарият ва кормандон бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор гардид, таъкид шуд.
АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад, ки дар ҳамоиш масъулони Агентии назорати давлатии молиявӣ ва мубориза бо коррупсияи Ҷумҳурии Тоҷикистон оид ба самтҳои афзалиятноки мубориза бо коррупсия сухан гуфтанд.
Иброз гардид, ки мубориза бо коррупсия, ки ба иродаи қатъӣ ва бебозгашти роҳбарияти сиёсии давлат такя намуда, ба муттаҳидсозии ҳама неруҳои оқилонаи ҷомеа, густариши тадриҷӣ ва татбиқи амалии сиёсати зиддикоррупсионӣ равона гардидааст, аз маҷмуи чораҳои ҳамаҷонибаи пешгирикунанда барои таъмини ислоҳоти мақомоти давлатӣ ҳамчун идомаи мантиқии сиёсати Президенти Ҷумҳурии Тоҷикистон иборат мебошад.
Бо мақсади ноил шудан ба ҳадафҳои «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» ва «Барномаи идоравии зиддикоррупсионӣ барои солҳои 2022-2030» дар «Тоҷикаэронавигатсия» такмили санадҳои меъёрии ҳуқуқӣ, фароҳам овардани шароити зарурии моддиву техникӣ барои фаъолияти самараноки кормандон, андешидани тадбирҳои иловагӣ барои рушди захираҳои инсонӣ, нигоҳ доштани интизоми хизматӣ ва иҷроия, инчунин ба роҳ мондани таълими зиддикоррупсионӣ барои кормандон таъмин мегардад.
Минбаъд роҳбарият ва масъулини корхонаи «Тоҷикаэронавигатсия» барои баланд бардоштани сатҳи огоҳии зиддикоррупсионӣ дар байни кормандон, тақвияти интизоми хизматӣ, мусоидат ба шаффофият дар фаъолияти молиявию иқтисодӣ, рушди маърифати ҳуқуқӣ, пешгирии зуҳуроти коррупсионӣ чораҳои зарурӣ ва саривақтиро амалӣ менамоянд.
АКС: Корхонаи воҳиди давлатии «Тоҷикаэронавигатсия»
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
