ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
ДУШАНБЕ, 13.01.2026 /АМИТ «Ховар»/. Дар Ҷумҳурии Тоҷикистон нахустин лоиҳаи бузурги энергетикаи офтобӣ бо иқтидори умумии 500 МВт татбиқ мегардад. Он марҳалаи навро дар рушди энергетикаи «сабз» ва инфрасохтори муосири мамлакат оғоз мебахшад, иттилоъ медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.
Дар ин замина 13 январ байни Ҳукумати Ҷумҳурии Тоҷикистон ва ҶДММ «Аён Энерҷӣ» Созишномаи сармоягузорӣ ба имзо расид, ки сохтмон ва мавриди истифода қарор додани ду неругоҳи бузурги фотоэлектрикиро бо иқтидори 250 МВт дар ноҳияи Ашт ва бо иқтидори 250 МВт дар ноҳияи Ҷайҳун дар бар мегирад.
Бояд гуфт, ки неругоҳи барқи офтобӣ бори аввал дар таърихи Тоҷикистон бо чунин иқтидори бузург амалӣ гардида, намунаи равшани гузариш ба истифодаи манбаъҳои алтернативии энергия арзёбӣ мегардад.
Татбиқи лоиҳа дар заминаи иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки дар Паём ба Маҷлиси Олӣ пешниҳод гардид ва чорабиниҳои давлатии марбут ба рушди энергетикаи «сабз» амалӣ карда мешавад.
Неругоҳҳои офтобӣ ба тақвияти истиқлолияти энергетикии мамлакат, коҳиши норасоии мавсимии неруи барқ, хусусан дар фасли зимистон, сабук намудани сарбории низоми энергетикӣ ва таъмини устувори аҳолӣ ва иқтисоди миллӣ бо неруи барқ мусоидат менамоянд.
Дар доираи лоиҳа сармоягузор уҳдадор мешавад, ки корҳои лоиҳакашӣ, сохтмон ва ба истифода додани неругоҳҳои офтобиро давоми соли 2026 ба анҷом расонад.
Ҳаҷми умумии сармоягузорӣ 250 миллион доллари амрикоиро ташкил медиҳад. Ин лоиҳа рамзи қадами ҷиддии Тоҷикистон ба сӯи энергетикаи «сабз», иқтисоди устувор ва ояндаи аз ҷиҳати экологӣ тоза буда, барои ноил гаштан ба истиқлолияти энергетикӣ заминаи мустаҳкам мегузорад.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
