Исфандиёри Саъдулло: «Барои беҳтар намудани хизматрасонии алоқа 1850 истгоҳи базавӣ насб карда мешавад»
ДУШАНБЕ, 29.01.2026 /АМИТ «Ховар»/. Соли 2025 дар Тоҷикистон 1946 истгоҳи базавӣ насб карда шуд, ки нисбат ба соли 2024 (798 адад) 243,9% зиёд мебошад. Дар айни замон дар мамлакат 17 019 истгоҳи базавӣ фаъолият дорад. Соли 2026 насби 1850 истгоҳи базавӣ ба нақша гирифта шудааст. Дар ин хусус 28 январ зимни нишасти матбуотӣ Сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло ба хабарнигорон иттилоъ дод.
Иброз гардид, ки барои вусъат бахшидани фаъолияти истгоҳҳои базавӣ ва дастрасӣ ба шабакаи баландсуръати интернет соли 2025 1499 километр хати нахи нурӣ кашида шуд. Ин нишондиҳанда нисбат ба соли 2024, ки 300 километрро ташкил медод, 5 баробар (500%) зиёд мебошад. Ҳоло дар ҷумҳурӣ 10 030 километр шоҳроҳҳои хати нахи нурии алоқа ба роҳ монда шудааст. Соли 2026 кашидани 4683 километр хатҳои нави нахи нурӣ ба нақша гирифта шудааст.
«Ҳамчунин барои таъмини фаъолияти мунтазами алоқа дар минтақаҳое, ки дастрасӣ ба неруи барқ маҳдуд аст ва ё ҳангоми қатъ гардидани неруи барқ тадбирҳои зарурӣ андешида шудаанд. Аз ҷумла, харидорӣ ва муҷаҳҳазгардонии иншооти алоқа бо аккумуляторҳо ва дизел-генераторҳо, таъмини онҳо бо сӯзишворӣ, инчунин насб ва ба роҳ мондани фаъолияти муътадили онҳо таҳти назорати мутахассисони соҳа қарор дорад», – иброз дошт сардори Хадамоти алоқа.
Иттилоъ дода шуд, ки ҳоло дар шабакаҳои алоқаи барқӣ 9642 гурӯҳи аккумуляторҳо, 3276 дизелгенератор ва 485 панели офтобӣ мавриди истифода қарор дорад. Соли 2026 насб ё иваз намудани 1839 аккумулятор, 262 дизелгенератор ва насби 825 панели офтобӣ бо иқтидори 4 МВт ба нақша гирифта шудааст.
Моҳинави НАВРӮЗ,
АМИТ «Ховар»
АКС: АМИТ «Ховар»
Соли 2026 ҳолати мелиоративии беш аз 18 ҳазор гектар заминҳои кишоварзӣ беҳтар гардонида мешавад
Дар замони соҳибистиқлолии Тоҷикистон соҳаи моҳипарварӣ рушд намудааст
Доир ба рақамикунонии минтақаҳои озоди иқтисодӣ дар шароити кишварҳои Авруосиё форуми байналмилалӣ баргузор мешавад
То соли 2030 беш аз 16 ҳазор гектар замин ба гардиши кишоварзӣ дароварда мешавад
Ҷалби ширкатҳои чинӣ барои татбиқи лоиҳаҳои энергетикии Тоҷикистон баррасӣ гардид
Муҳаммад Ҳасан Асадӣ бо фаъолият ва имконоти технологӣ ва инфрасохтории «Шаҳри ҳушманд» шинос шуд
Нақшаи қисми даромади буҷети маҳаллии шаҳри Ҳисор дар нимсолаи якуми соли 2026 сад фоиз иҷро шуд
Тоҷикистон ҳамкориро дар самти рақамикунонӣ бо Фонди Авруосиёии субот ва рушд таҳким мебахшад
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
