«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
ЛАХШ, 20.01.20026 /АМИТ«Ховар»/. Дар ноҳияи Нуробод даври сеюми бозии футболи ҷумҳуриявии Лигаи футболи кӯдакон ва наврасони Федератсияи футболи Тоҷикистон таҳти унвони «Футбол ба назди шумо меояд» баргузор шуда, дар он дастаи кӯдакони ноҳияи Лахш сазовори ҷойи аввал гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Лахш хабар доданд.
Дастаи кӯдакони 9-10-соларо Раиси ноҳияи Лахш пешвоз гирифта, ба онҳо туҳфаҳои хотиравӣ тақдим кард.
Дар даври сеюми бозии футболи ҷумҳуриявии Лигаи футболи кӯдакон ва наврасон кӯдакони солҳои таваллуди 2016-2017 аз шаҳру ноҳияҳои Нуробод, Лахш, Ҷайҳун, Шаҳринав, Ҳисор ва Турсунзода бозӣ намуданд.
Ёдовар мешавем, ки бо мақсади густариши футболи ҷавонон, баланд бардоштани сатҳи лигаҳои касбӣ ва омодасозии мутахассисон дар ҷумҳурӣ «Стратегияи рушди футболи миллӣ то соли 2026» таҳия ва амалӣ мегардад. Федератсияи футболи Тоҷикистон бо назардошти аҳамияти футболи миллӣ барои рушди ҷавонон ва тақвияти ҳамбастагии иҷтимоӣ ба хотири оммавӣ гардонидани футбол дар байни кӯдакону наврасон ва занону мардон чунин иқдоми муҳимро амалӣ менамояд.
АКС: Мақомоти иҷроияи ҳокимияти давлатии ноҳияи Лахш
Бахшида ба Рӯзи ҷаҳонии футбол дар ноҳияи Данғара байни омӯзгорон мусобиқаи футбол доир шуд
Дар Дави миллӣ дар Душанбе беш аз 32 ҳазор нафар иштирок намуданд
ЧЕМПИОНАТИ CAFA-2026. Дастаи мунтахаби ҷавонони Тоҷикистон тими Афғонистонро мағлуб кард
Дастаи мунтахаби наврасони Тоҷикистон (U-17) иштирокашро дар Ҷоми Осиё-2026 ба анҷом расонид
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Мустафо, Абдулло ва Шарифҷон шоҳҷоизаҳои мусобиқаи гӯштини миллии ноҳияи Муъминободро соҳиб шуданд
Дар ноҳияи Темурмалик Мусобиқаи гӯштини миллӣ (гӯштингирӣ) баргузор шуд
Дар Тоҷикистон Дави миллӣ ва марафони велосипедронӣ баргузор мегардад
Дар Истаравшан Чемпионати Ҷумҳурии Тоҷикистон оид ба гӯштини юнонӣ-румӣ доир шуд
ҶОМИ ОСИЁ-2026. Дастаи наврасони Тоҷикистон дар даври чорякниҳоии мусобиқа бо дастаи Ҷопон бозӣ мекунад
ҶОМИ ОСИЁ-2027. Дастаи мунтахаби Тоҷикистон бо тимҳои Австралия, Ироқ ва Сингапур бозӣ мекунад
Дастаи мунтахаби наврасони Тоҷикистон (U-16) дар мусобиқаи байналмилалӣ дар Чин иштирок дорад
