НИШАСТИ МАТБУОТӢ. Соли 2025 дар 4 муассисаи таълимӣ нахустин маротиба шурои диссертатсионӣ таъсис дода шуд
ДУШАНБЕ, 28.01.2026 /АМИТ «Ховар»/. Соли 2025 дар 4 муассисаи таҳсилоти олии касбӣ, аз ҷумла Донишкадаи энергетикии Тоҷикистон, Донишгоҳи давлатии Хоруғ ба номи Моёншо Назаршоев, Донишгоҳи давлатии Данғара ва филиали Донишгоҳи давлатии Москва ба номи М.В.Ломоносов дар шаҳри Душанбе нахустин маротиба шуроҳои диссертатсионӣ таъсис дода шуда, ба фаъолият оғоз намуданд. Дар ин хусус 28 январ зимни нишасти матбуотӣ Раиси Комиссияи олии аттестатсионии назди Президенти Ҷумҳурии Тоҷикистон Сайфиддин Давлатзода иттилоъ дод.
Иброз гардид, ки бо мақсади ташаккул ва мутобиқ намудани шабакаи шуроҳои диссертатсионӣ ба талаботи муқарраршуда дар давраи ҳисоботӣ ба ҳайати 37 шуро тағйиру иловаҳои дахлдор ворид карда шуданд. Ҳамчунин дар ин давра 31 шурои диссертатсионӣ таъсис дода шуд, ки нисбат ба соли 2024 23 шуро зиёд мебошад.
Иттилоъ дода шуд, ки Комиссияи олии аттестатсионӣ тибқи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба таъсиси шуроҳои диссертатсионӣ аз рӯйи ихтисосҳои нодир, ҷалби олимони хориҷӣ ба ҳайси муқарризони расмӣ ва коршиносони холис барои баҳодиҳӣ ба диссертатсия ва нашри мутақобили мақолаҳои судманд бо мақомоти аттестатсионии Федератсияи Русия, ҷумҳуриҳои Беларус, Узбекистон, Қазоқистон, Қирғизистон дар мувофиқа бо мақомоти ваколатдори давлатӣ тадбирҳои амалӣ андешид.
«Аз ҷумла, барои татбиқи раванди рақамикунонӣ дар Таснифоти ихтисосҳои илмии доктори фалсафа (PhD) ва Феҳристи ихтисосҳои илмӣ барои дарёфти дараҷаи илмӣ дар Тоҷикистон ихтисосҳои иқтисодиёти рақамӣ, иқтисодиёти «сабз», забоншиносии амалӣ ва рақамӣ ворид карда шуданд. Дар ин замина аз рӯйи ихтисосҳои иқтисодиёти рақамӣ ва иқтисодиёти «сабз» шурои дисссертатсионӣ таъсис дода шуд», – баён гардид зимни нишасти матбуотӣ.
Изҳор гардид, ки доир ба самтҳои афзалиятноки таҳқиқоти илмӣ ва илмӣ-техникии Ҷумҳурии Тоҷикистон барои солҳои 2021-2025 ва пешгирии такроршавии мавзуъҳо махзани ягонаи Комиссияи олии аттестатсионӣ таъсис дода шудааст. Дар айни замон ба ин махзани ягона 3531 мавзуи илмӣ-таҳқиқотии олимони ватанӣ ворид карда шудааст.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар Душанбе дар мавзуи муқовимат ба экстремизм ва терроризм конференсияи илмӣ-амалӣ доир шуд
Дар Академияи миллии илмҳои Тоҷикистон бо намояндагони Агентии байналмилалии неруи атомӣ вохурӣ доир шуд
Дар Институти масъалаҳои об, гидроэнергетика ва экология бо намояндагони Агентии байналмилалии энергияи атомӣ мулоқот доир гардид
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
ҶОИЗАИ БАЙНАЛМИЛАЛИИ АБУАЛӢ ИБНИ СИНО ДАР СОҲАИ ТИБ. Марҳалаи нави муаррифии саҳми тоҷикон дар рушди илми ҷаҳонӣ оғоз гардид
Дар даври ноҳиявии Озмуни ҷумҳуриявии «Илм – фурӯғи маърифат» 114 нафар иштирок намуд
Дар мавзуи «Низоми муносибатҳои байналмилалӣ дар вазъи имрӯзаи бисёрқутба» конференсияи ҷумҳуриявӣ доир гардид
Муколамаи миллӣ дар мавзуи «Арзёбии хатари хушксолӣ ва устувории он дар Осиёи Марказӣ» баргузор шуд
Оид ба ошкорнамоии муомилоти ғайриқонунии маводи ҳастаӣ ва дигар маводи радиоактивӣ даври омӯзишӣ идома дорад
Дар мавзуи «Криосфераи Тоҷикистон дар шароити тағйирёбии иқлим: дастовард ва дурнамо» чорабинии канорӣ доир шуд
Иқдоми навбатии Сарвари давлат гувоҳи арҷгузории Қаҳрамони Тоҷикистон ба қаҳрамонии қаҳрамонон аст
Илмомӯзӣ – ватандӯстӣ – амният: се рукни асосии стратегии рушди миллии Тоҷикистон
