Соли 2025 табибони тоҷик беш аз 203 ҳазор амалиёти ҷарроҳии беморхонавӣ гузарониданд
ДУШАНБЕ, 28.01.2026 /АМИТ «Ховар»/. Соли 2025 табибони тоҷик 203 ҳазору 563 амалиёти ҷарроҳии беморхонавӣ гузарониданд, ки нисбат ба соли 2024 20014 адад ё 10 фоиз зиёд мебошад. Ин матлабро имрӯз зимни нишасти матбуотӣ Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода баён намуд.
Ҳамчунин иттилоъ дода шуд, ки соли 2024 дар мамлакат 183 549 амалиёти ҷарроҳии беморхонавӣ гузаронида шуда буд. Соли 2025 бо усули муосир 28 624 ҷарроҳии миниинвазивӣ гузаронида шуд, ки нисбат ба соли 2024 18,6 фисад зиёд мебошад.
Таъкид гардид, ки бо мақсади фароҳам овардани дастрасии бештари аҳолӣ ба ҷарроҳиҳои мураккаб ва гаронарзиш фаъолият дар самти мазкур идома ёфта, соли 2025 дар 330 нафар бемор амалиёти ҷарроҳии пайвандсозии узвҳо (2024-295) гузаронида шуд. Аз ин шумора пайвандсозии гурда 222 адад ва пайвандсозии ҷигар 108 ададро ташкил медиҳад.
Ба иттилои Ҷамолиддин Абдуллозода, аз теъдоди умумии ин беморон 99 нафарро кӯдакон (64 ҳолати пайвандсозии гурда, 35 ҷарроҳӣ дар ҷигар) ташкил медиҳанд. Дар давраи ҳисоботӣ ба 95 бемори хориҷӣ амалиёти ҷарроҳии пайвандсозии узвҳо гузаронида шуд.
Дар ҷараёни нишасти матбуотӣ иттилоъ дода шуд, ки соли 2025 аз ҷониби мутахассисони ватанӣ дар умум 72 навгонӣ ворид карда шуд. 14 навгонии он дар самти ташхис ва 58 навгонӣ дар самти табобат мебошад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Президенти Тоҷикистон: «Бунёду навсозии роҳу пулҳо, муассисаҳои тиббӣ ва мактабу кӯдакистон ба садақаи ҷория дохил мешавад»
«АРТИШИ МИЛЛӢ-НЕРУИ ПОЯНДАИ ДАВЛАТ». Таҳти чунин унвон дар шаҳри Бохтар ҳамоиш доир гардид
Дар Тоҷикистон ҳаво то 25 дараҷа гарм мешавад
Соли 2025 ҳаҷми истеҳсоли маҳсулоти ҳунармандон ба беш аз 110 миллион сомонӣ расид
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Тоҷикистон иқдоми тақдими китоб идома дорад
Тавассути корти бонкии нафақагирон беш аз 200 амалиёти бонкӣ иҷро мегардад
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
