Соли 2025 варзишгарони вилояти Хатлон беш аз 2 ҳазор медал ба даст оварданд
ДУШАНБЕ, 04.01.2026 /АМИТ «Ховар»/. Дар 11 моҳи соли 2025 варзишгарони вилояти Хатлон аз мусобиқаҳои ҷумҳуриявӣ ва байналмилалӣ 699 медали тилло, 675 медали нуқра ва 872 медали биринҷӣ, дар маҷмуъ 2246 медал ба даст оварданд, ки нисбат ба ҳамин давраи соли 2024 262 медал зиёд мебошад. Дар ин хусус ба АМИТ «Ховар» аз Мақомоти иҷроияи ҳокимияти давлатии вилояти Хатлон хабар доданд.
Дар ин давра дар шаҳру ноҳияҳои вилоят бо дастгирии соҳибкорони маҳаллӣ 54 маҷмааю варзишгоҳ ва толору майдончаҳои варзишӣ сохта, ба истифода дода шуданд.
Бояд гуфт, ки солҳои охир дар Ҷумҳурии Тоҷикистон рушди соҳаи тарбияи ҷисмонӣ ва варзиш ба яке аз самтҳои афзалиятноки сиёсати иҷтимоии давлат табдил ёфтааст. Бо дастгирии Ҳукумати мамлакат ва таваҷҷуҳи доимии Президенти Ҷумҳурии Тоҷикистон муҳтарам Эмомалӣ Раҳмон барои ташаккули тарзи ҳаёти солим, ҷалби наврасону ҷавонон ба варзиш ва омода намудани варзишгарони сатҳи байналмилалӣ тадбирҳои муҳим амалӣ мегарданд.
Дар доираи татбиқи стратегия ва барномаҳои давлатии рушди соҳаи тарбияи ҷисмонӣ ва варзиш дар саросари мамлакат садҳо иншооти нави варзишӣ, аз ҷумла маҷмааҳои муосир, варзишгоҳҳо, толорҳо ва майдончаҳои варзишӣ бунёд ва ба истифода дода шуданд. Ин иқдом имконият фароҳам овард, ки сокинон, махсусан наврасону ҷавонон ба машқу тамрини мунтазам ҷалб гарданд.
Раванди бунёдкорӣ боис гардидааст, ки варзиш на танҳо ҳамчун воситаи солимгардонӣ, балки чун мактаби тарбия, ватандӯстӣ ва худшиносии миллӣ дар ҷомеа мақоми хос пайдо намояд.
АКС: АМИТ «Ховар»
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
