Тоҷикистон ҳамкориро бо Бонки осиёии сармоягузории инфрасохторӣ тақвият медиҳад

ДУШАНБЕ, 08.01.2026 /АМИТ «Ховар»/. Масъалаҳои густариши ҳамкорӣ ва ҳамоҳангсозии иқдоми муштарак дар мулоқоти маҷозии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо ноиби Президенти Бонки осиёии сармоягузории инфрасохторӣ ва Котиби корпоративии он Шерард Каупер-Коулз баррасӣ гардид.

Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад.

Таваҷҷуҳи асосӣ ба нақши раиси кумита ҳамчун муовини Раиси ҷаласаи солонаи Шурои роҳбарони бонк, ки соли равон дар шаҳри Давҳа баргузор мегардад, равона гардид.

Раиси Кумита Шерард Каупер-Коулзро ба муносибати таъйин шуданаш ба вазифаи нав табрик гуфта, омодагии Тоҷикистонро барои таҳкими ҳамкории шарикона бо Бонки осиёии сармоягузории инфрасохторӣ баён намуд.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон