Ҳайати Тоҷикистон дар Саммити ҷаҳонии «India AI Impact Summit 2026» иштирок намуд
ДУШАНБЕ, 19.02.2026 /АМИТ «Ховар»/. Ҳайати Ҷумҳурии Тоҷикистон таҳти роҳбарии Вазири саноат ва технологияҳои нави Тоҷикистон Шералӣ Кабир дар Саммити ҷаҳонӣ оид ба зеҳни сунъӣ — «India AI Impact Summit 2026», ки 16 феврал дар Ҳиндустон оғоз шуда, то 20 феврал идома меёбад, иштирок намуд, иттилоъ медиҳад АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон.
Саммити «India AI Impact Summit 2026» таҳти раёсати Сарвазири Ҳиндустон Нарендра Моди, Президенти Фаронса Эммануэл Макрон, Президенти Бразилия ва дигар намояндагони расмӣ баргузор гардида истодааст.
Дар ин саммит намояндагони беш аз 100 кишвари ҷаҳон, созмонҳои байналмилалӣ ва ширкатҳои пешрафтаи технологии ҷаҳон ҷамъ омадаанд. Дар саммит Шералӣ Кабирро Ашвини Вайшнау, вазири роҳи оҳан, электроника, технологияҳои иттилоотӣ, иттилоот ва пахши Ҳиндустон истиқбол карда, сатҳи баланди иштироки Тоҷикистонро дар муҳокимаҳо оид ба ташаббусҳои ҷаҳонии зеҳни сунъӣ таъкид намуд. Ҳайати Тоҷикистон афзалияти миллиро дар соҳаи саноат ва татбиқи саноатии зеҳни сунъӣ муаррифӣ намуд.
Саммит ба татбиқи технологияҳои зеҳни сунъӣ барои навсозии равандҳои истеҳсолӣ, баланд бардоштани самаранокии корхонаҳои саноатӣ, рушди иқтисоди рақамӣ ва эҷоди соҳаҳои нави
технологияҳои пешрафта равона гардидааст. Дар ҷаласаҳои умумӣ ва мавзуӣ лоиҳаҳо дар соҳаҳои низомҳои истеҳсоли интеллектуалӣ, автоматикунонии саноатӣ, идоракунии инфрасохтори рақамӣ ва омода намудани мутахассисон барои саноати оянда баррасӣ шуданд.
Дар доираи саммит Вазири саноат ва технологияҳои нави Тоҷикистон бо намояндагони мақомоти давлатии Ҳиндустон, созмонҳои байналмилалӣ ва роҳбарони ширкатҳои пешбари соҳаи зеҳни сунъии саноатӣ якчанд вохӯрии дуҷониба баргузор кард. Дар онҳо дурнамои лоиҳаҳои муштарак, сармоягузорӣ ва татбиқи роҳҳои ҳалли инноватсионӣ дар саноати Тоҷикистон баррасӣ карда шуданд.
Шералӣ Кабир инчунин бо директори генералии «OpenAI» Сем Алтман мулоқот намуд, ки зимни он имконоти истифодаи роҳҳои ҳалли OpenAI барои табдили рақамии саноати Тоҷикистон ва татбиқи лоиҳаҳои муштараки озмоишӣ дар соҳаи зеҳни сунъӣ баррасӣ гардид.
АКС: Вазорати саноат ва технологияҳои нави Ҷумҳурии Тоҷикистон
Дар Донишкадаи давлатии санъати тасвирӣ ва дизайни Тоҷикистон бахшида ба 1050-солагии Робиаи Балхӣ маҳфили адабӣ доир шуд
МАКТАБИ МАРДОНАГӢ. Волидайни сарбозон ба қисмҳои ҳарбӣ ба дидори фарзандонашон рафтанд
Ба дӯстонатон рақами мобилиро барои муоширати муфид туҳфа намоед!
Имрӯз дар шаҳри Душанбе ҳаво то 21 дараҷа гарм мешавад
Донишҷӯёни Коллеҷи тиббии шаҳри Ҳисор бо шароити хизмати сарбозон шинос шуданд
Муштарии ZET-MOBILE миллионер шуд
Имрӯз дар баъзе ноҳияҳои Тоҷикистон туман мефарояд
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
