Дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор гардид
ДУШАНБЕ, 02.02.2026 /АМИТ «Ховар»/. 1 феврал дар шаҳри Душанбе Мусобиқаи ҷумҳуриявӣ оид ба ҷиу-ҷитсу байни калонсолон расман баргузор гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Зимни маросими ифтитоҳи мусобиқа Раиси Кумитаи кор бо ҷавонон ва варзиш Зулфиқор Гулаҳмадзода иброз дошт, ки рушди намудҳои гуногуни варзиш, тарғиби тарзи ҳаёти солим ва дастгирии варзишгарон аз самтҳои афзалиятноки сиёсати давлатии соҳа ба шумор меравад.
Таъкид гардид, ки бо дастгирӣ ва таваҷҷуҳи доимии Ҳукумати Ҷумҳурии Тоҷикистон, хусусан Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи варзиш тадбирҳои муҳим ва муассир амалӣ мегарданд.
Раиси Федератсияи ҷиу-ҷитсу Манучеҳр Каримзода изҳор намуд, ки мусобиқа бо мақсади рушди варзиши ҷиу-ҷитсу, баланд бардоштани маҳорати касбии варзишгарон, таҳкими рақобати солим ва дарёфти истеъдодҳои нав баргузор шуда, дар он варзишгарони беҳтарин аз шаҳру ноҳияҳои мамлакат иштирок намуданд.
Тазаккур дода шуд, ки ҳадаф аз баргузории чунин мусобиқаҳо ҷалби бештари аҳолӣ ба варзиш, баланд бардоштани ҳисси ватандӯстӣ ва худшиносии миллӣ, муайян ва дастгирӣ намудани варзишгарони боистеъдод, интихоб ва омодасозии онҳо барои иштирок дар мусобиқаҳои минбаъдаи ҷумҳуриявӣ ва байналмилалӣ арзёбӣ гардид.
Баргузории мусобиқа ба тақвияти дӯстӣ ва ҳамкории варзишӣ байни клубҳо ва муассисаҳои варзишии ноҳияҳо, шаҳру вилоятҳо, баланд бардоштани сатҳи маҳорати варзишгарон ва рушди ҷиу-ҷитсу ҳамчун намуди муосири варзиш дар мамлакат равона гардидааст.
АКС: АМИТ «Ховар»
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
