НИШАСТИ МАТБУОТӢ. Агентии назорати давлатии молиявӣ ва мубориза бо коррупсия 924,4 миллион сомонӣ зарари молиявӣ ошкор намуд
ДУШАНБЕ, 13.02.2026 /АМИТ «Ховар»/. Аз ҷониби мутахассисони Агентии назорати давлатии молиявӣ ва мубориза бо коррупсияи Ҷумҳурии Тоҷикистон 467 тафтишу санҷиш гузаронида шуда, ба маблағи 924,4 миллион сомонӣ зарари молиявӣ ошкор гардид. Дар ин хусус имрӯз зимни нишасти матбуотӣ директори Агентӣ Сулаймон Султонзода ба хабарнигорон иттилоъ дод.
Иброз гардид, ки бо назардошти рӯёнидани бақияи зарари соли қаблӣ — 951,2 миллион сомонӣ, аз ҷумла 704,4 миллион сомонӣ ба буҷети давлатӣ ва 246,8 миллион сомонӣ ба корхонаю муассисаҳои давлатӣ барқарор карда шуд.
Директори Агентии назорати давлатии молиявӣ ва мубориза бо коррупсия изҳор намуд, ки аз ҳисоби таъйини ҷаримаҳои маъмурӣ ва корҳои таҳқиқу тафтишотӣ ба буҷети давлат 19,9 миллион сомонӣ барқарор карда шуд.
Дар маҷмуъ, соли 2025 мақомоти Агентӣ аз рӯи ҳама самтҳои фаъолият ба суратҳисобҳои буҷети давлатӣ 724,3 миллион сомонӣ барқарор намуд, ки нисбат ба соли 2024 340,3 миллион сомонӣ зиёд мебошад.
«Воҳидҳои ҳифзи ҳуқуқи Агентӣ 1979 ҷинояти коррупсионӣ ва иқтисодии дорои хусусияти коррупсионӣ ва дигар ҷиноятҳои дар қонунгузорӣ пешбинишударо нисбат ба 1207 нафар ошкор намуданд. Вобаста ба ин ҷиноятҳо 819 парвандаи ҷиноятӣ нисбат ба 1059 нафар ба судҳо фиристода шуд», -афзуд Сулаймон Султонзода.
Дар нишасти матбуотӣ ҳамзамон иттилоъ дода шуд, ки соли 2025 баррасии саривақтии 3869 муроҷиати шахсони воқеию ҳуқуқӣ таъмин гардида, нисбат ба онҳо қарорҳои қонунӣ қабул карда шуданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
