НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
ДУШАНБЕ, 13.02.2026 /АМИТ «Ховар»/. Прокурори генералии Ҷумҳурии Тоҷикистон Ҳабибулло Воҳидзода дар нишасти матбуотӣ, ки 13 феврал дар Прокуратураи генералии Ҷумҳурии Тоҷикистон баргузор гардид, доир ба афзоиш ва паҳн гардидани моддаҳои писохотропӣ, аз ҷумла ҳабҳои синтетикӣ дар байни ҷавонон изҳори нигаронӣ намуда, таъкид кард, ки чунин зуҳурот ба генофонди миллат таъсири манфӣ мерасонад ва он бояд пешгирӣ карда шавад.
Ҳабибулло Воҳидзода афзуд, ки дар ин самт кормандони Прокуратураи генералии Ҷумҳурии Тоҷикистон дар ҳамкорӣ бо дигар мақомоти ҳифзи ҳуқуқи ҷумҳурӣ, аз ҷумла Вазорати корҳои дохилии Ҷумҳурии Тоҷикистон ва Агентии назорати маводи нашъаовари назди Президенти Ҷумҳурии Тоҷикистон ҳамеша дар гурӯҳҳои корӣ ва санҷишҳое, ки дар марказҳои дилхушӣ, бозиҳои компютерӣ ва дигар клубҳо оид ба ҷилавгирии истифодаи моддаҳои психотропӣ, хусусан ҳабҳои синтетикӣ гузаронида мешаванд, иштирок менамоянд. Зимни ин дар бисёр ҳолатҳо шахсон муайян гардида, масъалаи ҷавобгарии онҳо гузошта мешавад.
Прокурори генералии Ҷумҳурии Тоҷикистон таъкид намуд, ки маводи синтетикӣ дар ҷумҳурӣ истеҳсол намешавад ва ягон озмоишгоҳ ҳам оид ба истеҳсоли маводи психотропӣ- ҳабҳои синтетикӣ дар ҷумҳурӣ вуҷуд надорад, балки он аз кишварҳои хориҷӣ- давлатҳои ҳамсоя бо ҳар гуна роҳҳои ғайриқонунӣ ворид карда мешавад.
Прокурори генералӣ иброз намуд, ки дар ин самт кормандони мақомоти марбутаи ҳифзи ҳуқуқи мамлакат, ки бевосита дар гузаргоҳҳои сарҳадӣ масъуланд, аз қабили Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Хадамоти гумруки назди Ҳукумати Ҷумҳурии Тоҷикистон, дар маҷмуъ тамоми мақомоти ҳифзи ҳуқуқ ва ҷомеа бояд ҳушёрию зиракиро аз даст надода, пеши роҳи воридоти моддаҳои психотропӣ, хусусан ҳабҳои синтетикиро гиранд, зеро афзоиш ва паҳн гардидани он дар байни ҷавонон, хусусан ҷавондухтарон хеле нигаронкунанда аст.
Директори Агентии назорати маводи нашъаовари назди Президенти Ҷумҳурии Тоҷикистон Зафар Самад 2 феврал дар нишасти матбуотӣ доир ба ин масъала изҳор намуд, ки соли 2025 аз ҷониби мақомоти ҳифзи ҳуқуқ дар ҷумҳурӣ 5 тоннаю 280 кг маводи нашъаовар аз муомилоти ғайриқонунӣ мусодира карда шуд, ки нисбат ба соли 2024 898 кг 835 грамм ё 21 фоиз зиёд мебошад.
Инчунин аз ҷониби мақомоти ҳифзи ҳуқуқ соли 2025 253 кг 417 грамм моддаҳои психотропӣ мусодира карда шуданд, ки нисбат ба соли 2024 142 кг ё 2 маротиба зиёд мебошад. Аз ин миқдор 247 килограмм ё 97 фоизи онро метамфетамин ташкил дод. Таъкид гардид, ки ҳаҷми метамфетамини соли 2025 мусодирашуда дар таносуб ба соли 2024 2,3 маротиба ё 141 кг зиёд аст.
Марзия САИДЗОДА,
АМИТ «Ховар»
АКС: АМИТ «Ховар»
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
