ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ДУШАНБЕ, 20.02.2026 /АМИТ «Ховар»/. Имрӯз бозии финалии Ҷоми Федератсияи футболи Тоҷикистон дар соли 2026 байни дастаҳои футболи «Барқчӣ»-и шаҳри Ҳисор ва «Ҳулбук»-и ноҳияи Восеъ дар Варзишгоҳи марказии шаҳри Душанбе баргузор мешавад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Бозӣ барои ҷойи сеюм байни дастаҳои футболи «Ҳосилот»-и ноҳияи Фархор ва «Панҷшер»-и ноҳияи Ҷалолиддини Балхӣ баргузор мегардад. Бозиҳои марҳилаи нимниҳоии Ҷоми Федератсияи футболи Тоҷикистон дар соли 2026 дар майдони эҳтиётии Варзишгоҳи марказии шаҳри Душанбе чанд рӯз пеш ба анҷом расиданд. Дар натиҷа дастаҳои футболи «Барқчӣ»-и шаҳри Ҳисор ва «Ҳулбук»-и ноҳияи Восеъ ба финали мусобиқа роҳ ёфтанд.
Дар марҳилаи нимниҳоии мусобиқа дастаи футболи «Барқчӣ»-и шаҳри Ҳисор бо ҳисоби 2 бар 0 дастаи футболи «Ҳосилот»-и ноҳияи Фархоро мағлуб кард. Дуби Рамин аз ҳайати дастаи футболи «Барқчӣ»-и шаҳри Ҳисор голҳоро ба нишон расонид. Дастаҳои футболи «Ҳулбук»-и ноҳияи Восеъ ва «Панҷшер»-и ноҳияи Ҷалолиддини Балхӣ дар вақти асосии дидор бо ҳисоби мусовии 1 бар 1 бозӣ карданд ва дар силсилазарбаҳои пеналтӣ дастаи футболи «Ҳулбук»-и ноҳияи Восеъ бо ҳисоби 6 бар 5 ғалаба намуд.
Ёдовар мешавем, ки фонди умумии ҷоизаҳои мусобиқа 100 000 сомонӣ аст. Ғолиби мусобиқа бо 50 000 сомонӣ, барандаи медали нуқра бо 30 000 сомонӣ ва барандаи медали биринҷӣ бо 20 000 сомонӣ мукофотонида мешаванд.
АКС: Федератсияи футболи Тоҷикистон
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
