СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
ДУШАНБЕ, 27.02.2026 /АМИТ «Ховар»/. Шуруъ аз 1 март дар шаҳри Хоруғ бахшида ба Соли вусъат додани корҳои ободониву созандагӣ ва тақвияту таҳкими худшиносию худогоҳии миллӣ (2026) озмунҳои шаҳрии «Шаҳри ман — хонаи ман аст!», «Хоруғ аз нигоҳи ман!» баргузор карда мешаванд. Инчунин барои саҳмгузорӣ дар раванди корҳои созандагию бунёдкорӣ дар шаҳри Хоруғ Гурӯҳи ихтиёрии бунёдкорӣ таъсис дода шуд.
Тавре аз Мақомоти иҷроияи ҳокимияти давлатии шаҳри Хоруғ ба АМИТ «Ховар» хабар доданд, ин иқдом дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ба роҳ монда шуда, ҳадафи он вусъати корҳои ободонию созандагӣ дар кӯчаю маҳал ва шаҳр мебошад.
Ободонию созандагӣ мафҳумҳои асосии сиёсати давлатии Тоҷикистон буда, пешрафт ва зиндагии шоистаи мардумро ифода менамоянд. Дар ин радиф корҳои ободу зебогардонӣ, сохтмони роҳҳо, боғҳои фароғатӣ, биноҳои баландошёнаи замонавӣ ва муассисаҳои таълимӣ ба беҳбуди шароити зиндагии мардум ва афзун гардонидани зебоии Ватан равона мегарданд.
Президенти Ҷумҳурии Тоҷикистон муҳтарам Эмомалӣ Раҳмон 16 декабри соли 2025 зимни пешниҳоди Паём ба Маҷлиси Олӣ аҳолии мамлакатро даъват намуданд, ки «ҳар шаҳрванд ва ҳар оила бояд бо дарки масъулияти ватансозию давлатсозӣ, пеш аз ҳама, хонаву кошона ва кӯчаву маҳалли зисти худро таъмиру тармим ва тозаву озода намояд. Ин раванди ободонӣ ва тозакорӣ бояд тамоми қаламрави мамлакатро то дурдасттарин деҳоти он фаро гирад ва ба кори маъмулӣ табдил ёбад. Яъне, ҳар фарди ҷомеа бояд ба ифтихори ин ҷашни муқаддас барои пешрафти давлат ва ободии Ватан кори неке анҷом дода, созандаву бунёдкор ва соҳиби фарҳангу тамаддуни бостонӣ будани миллати тоҷикро нишон диҳад».
Ёдовар мешавем, ки бо назардошти Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ эълон шудани соли 2026 ва ба таври сазовор пешвоз гирифтани 35-солагии Истиқлолияти давлатии Тоҷикистон дар шаҳру ноҳияҳои мамлакат корҳои ободонию созандагӣ вусъат мегиранд.
АКС: Мақомоти иҷроияи ҳокимияти давлатии шаҳри Хоруғ
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
