Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
ДУШАНБЕ, 28.03.2026. /АМИТ «Ховар»/. 27 март бахшида ба Ҷашни байналмилалии Наврӯз дар шаҳри Хоруғи Вилояти Мухтори Кӯҳистони Бадахшон мусобиқаҳои варзишӣ баргузор шуданд. Дар баробари гӯштини миллӣ «Гӯштингирӣ», варзишгарон дар намуди волейбол, бандкашӣ, дави наврӯзӣ байни занон, дави наврӯзӣ бо масофаи 3 км байни мардон, гурзбардорӣ ва кабкҷангу хурӯсҷанг байни ҳам рақобат намуданд. Дар ин хусус ба АМИТ «Ховар» аз Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Дар мусобиқаи волейбол дастаи ноҳияи Рӯшон -2 сазовори ҷойи якум, дастаи Рӯшон -1 сазовори ҷойи дуюм ва дастаи Шуғнон сазовори ҷойи сеюм гардиданд. Ғолибон бо мукофотҳои пулӣ ва ҷом ҳавасманд карда шуданд.
Ҳамчунин ғолибони мусобиқаҳои дави наврӯзӣ, бандкашӣ ва кабкҷангу хурӯсҷанг бо туҳфаҳои арзишманд қадрдонӣ гардиданд.
Барои дарёфти шоҳҷоизаҳои мусобиқаи гӯштини миллӣ «Гӯштингирӣ» (3 электромобил) варзишгарон аз тамоми шаҳру ноҳияҳои Тоҷикистон ва паҳлавонон аз Узбекистон байни ҳам сабқат намуданд.
Варзишгари Ҷумҳурии Тоҷикистон Шакармамад Мирмамадов маҳорати баланди худро нишон дода, яке аз шоҳҷоизаҳоро дар вазни +86 кг ба даст овард. Дар вазнҳои 71 кг ва 86 кг шоҳҷоизаҳо ба варзишгарони Узбекистон насиб гардид.
Варзишгароне, ки сазовори ҷойҳои дуюм ва сеюм шуданд, бо туҳфаҳои арзишманд, аз ҷумла яхдон ва телевизор қадрдонӣ гардиданд. Ҷавондухтарон низ бо туҳфаҳои гаронарзиш қадрдонӣ шуданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
