Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад

ДУШАНБЕ, 14.03.2026. /АМИТ «Ховар»/. 17 март Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Душанбе хабар медиҳад.

Иҷлосияи панҷуми Маҷлиси вакилони халқи шаҳри Душанбе, даъвати ҳафтум дар асоси қарори Раиси шаҳри Душанбе 17 марти соли 2026, соати 09:00 баргузор мешавад.

Ба рӯзномаи иҷлосияи панҷуми Маҷлиси вакилони халқи шаҳри Душанбе, даъвати ҳафтум масъалаҳои зерин: «Дар бораи гузориши раиси Комиссияи шаҳрии интихобот оид ба интихоботи Маҷлиси вакилони халқи шаҳри Душанбе дар ҳавзаҳои интихоботии №№2, 21 ва тасдиқ намудани ваколати вакилони навинтихобшуда», «Дар бораи пеш аз муҳлат қатъ намудани ваколати вакилони Маҷлиси вакилони халқи шаҳри Душанбе аз ҳавзаҳои интихоботии №32 ва №47», «Дар бораи таъин намудани интихобот дар ҳавзаҳои интихоботии №32 ва №47», «Дар бораи таъсис додани Комиссияи шаҳрии интихобот оид ба интихоботи вакилони Маҷлиси вакилони халқи шаҳри Душанбе» дохил карда шудаанд.

Инчунин масъалаҳои «Дар бораи ворид намудани тағйирот ба қарорҳои  Маҷлиси вакилони халқи шаҳри Душанбе аз 14 марти соли 2025, №7, аз 14 марти соли 2025, №8 ва аз 14 марти соли 2025, №9», «Дар бораи татбиқи «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2023-2027» дар шаҳри Душанбе ва рафти иҷрои Нақшаи чорабиниҳои Мақомоти иҷроияи ҳокимияти давлатии шаҳри Душанбе дар ин соҳа», «Дар бораи татбиқи «Барномаи рушди тарбияи ҷисмонӣ ва варзиш дар Ҷумҳурии Тоҷикистон барои солҳои 2022-2026» дар шаҳри Душанбе ва рафти иҷрои Нақшаи чорабиниҳои Мақомоти иҷроияи ҳокимияти давлатии шаҳри Душанбе дар ин самт» низ ворид карда шуданд.

АКС: шуъбаи иттилоотии дастгоҳи Раиси шаҳри Душанбе