Сокинони ноҳияи Мастчоҳ ҷашни Наврӯзро бо тантана истиқбол гирифтанд
ДУШАНБЕ, 23.03.2026. /АМИТ «Ховар»/. 22 март ба муносибати Ҷашни байналмилалии Наврӯз дар Боғи фарҳангии «Тоҷикистон»-и ноҳияи Мастчоҳ чорабинии бошукуҳ баргузор шуд. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.
Дар чорабинӣ Раиси вилояти Суғд Раҷаб Аҳмадзода, роҳбарият ва кормандони Мақомоти иҷроияи ҳокимияти давлатии ноҳияи Мастчоҳ ва сокинони гуногункасб иштирок намуданд.
Таъкид карда шуд, ки Наврӯз ҳамчун ҷашни бостонӣ рамзи эҳёи табиат, оғози соли нав ва падидаи зебои ҳамзистии инсон бо муҳити атроф ба шумор меравад.
Иброз гардид, ки мардуми тамаддунофари тоҷик давоми ҳазорсолаҳо ин ҷашни муқаддасро ҳифз намуда, онро ба наслҳои имрӯз мерос гузоштааст. Наврӯз имрӯз ба омили муҳими таҳкими сулҳу субот, ҳамдигарфаҳмӣ ва ҳамзистии фарҳангҳо табдил ёфтааст.
Наврӯзи имсола барои сокинони ноҳияи Мастчоҳ дорои аҳамияти хосса буда, дар шароити вусъати корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон таҷлил мегардад. Ҳамзамон сокинони ноҳия ҷашни 70-солагии азхудкунии дашти Дилварзинро истиқбол намуда, дар ободонии диёр саҳми назаррас мегузоранд.
Таъкид гардид, ки маҳз бо заҳмати шабонарӯзии сокинон ва дастгирии давлату Ҳукумати мамлакат дашти Дилварзин, ки замоне беобу ташналаб буд, имрӯз ба минтақаи ободу шукуфон табдил ёфтааст.
Дар фарҷом изҳори боварӣ карда шуд, ки сокинони сарбаланди ноҳияи Мастчоҳ бо истифода аз имконияти мавҷуда ва дар партави сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои боз ҳам ободу пешрафта гардонидани диёр талош намуда, ҷашнҳои муҳими давлатӣ ва таърихиро бо дастовардҳои арзанда истиқбол мегиранд.
АКС: Хадамоти матбуоти Раиси вилояти Суғд/ Мақомоти иҷроияи ҳокимияти давлатии ноҳияи Мастчоҳ
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
