35-СОЛАГИИ ИСТИҚЛОЛИ ДАВЛАТӢ. Дар Суғд корҳои созандагию ободонӣ вусъат меёбанд

ДУШАНБЕ, 14.04.2026. /АМИТ «Ховар»/. Бахшида ба 35-солагии Истиқлоли давлатӣ ва Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ (2026) дар   вилояти Суғд сохтмони бинои иловагии Гимназияи №1 ба номи Раҳим Ҷалил ва бинои Ҳизби Халқии Демократии  Тоҷикистон идома дорад.  Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.

Бинои иловагии Гимназияи №1 ба номи Раҳим Ҷалил бо мақсади фароҳам овардани шароити мусоиди таълиму тарбия, баланд бардоштани сатҳи донишандӯзии хонандагон ва рафъи норасоии ҷойи нишаст сохта мешавад.

Бояд гуфт, ки дар натиҷаи сиёсати созандаи Президенти Ҷумҳурии Тоҷикистон муҳтарам Эмомалӣ Раҳмон имрӯз дар саросари мамлакат корҳои ободонӣ вусъати тоза касб намудаанд.

Ҳамчунин сохтмони бинои маъмурии Кумитаи иҷроияи Ҳизби Халқии Демократии Тоҷикистон дар вилояти Суғд идома дорад.

Бинои маъмурии Кумитаи иҷроияи Ҳизби Халқии Демократии Тоҷикистон дар вилояти Суғд аз таҳхона ва 7 ошёна иборат буда, дорои беш аз 90 утоқи корӣ, маҷлисгоҳ бо 200 ҷойи нишаст, маҷлисгоҳҳои хурд барои то 40 нафар, китобхона, бойгонӣ ва ошхона мебошад.

Иттилоъ дода шуд, ки бунёди чунин маркази муосир заминаи мусоид барои густариши фаъолияти ҳизбӣ ва татбиқи ҳадафҳои созандаю мардумии он мебошад.

АКС: Хадамоти матбуоти Раиси вилояти Суғд