Байни шаҳрҳои Душанбе ва Антверпен робитаҳои фарогир таҳким меёбанд

ДУШАНБЕ, 29.04.2026 /АМИТ «Ховар»/. 28 апрел муовини Раиси шаҳри Душанбе Нурҷаҳон Исмоилзода бо муовини Раиси шаҳри Антверпени Подшоҳии Белгия Йоҳан Клапс вохӯрӣ анҷом дод.

Зимни мулоқот ҷонибҳо имконияти ба роҳ мондани ҳамкории фарогир байни шаҳрҳои Душанбе ва Антверпенро дар соҳаҳои иқтисод, саноат, нақлиёт ва логистика, технологияҳои рақамӣ ва шаҳри ҳушманд баррасӣ намуданд.

Таҳкими ҳамкорӣ дар самтҳои энергетикӣ ва рақамӣ, бунёди иншооти устувор, истифодаи манбаъҳои алтернативии энергия ва таъсиси экосистемаҳои тиҷоратӣ ва сармоягузорӣ дар меҳвари таваҷҷуҳи ҷонибҳо қарор дошт.

Тарафҳо барои таҳкими ҳамкории амалӣ ва тавсеаи робитаҳои байнимардумӣ низ изҳори ҳавасмандӣ намуданд.

Бояд гуфт, ки Антверпен ҳамчун пойтахти минтақаи Фландрия бо зарфияти азими саноатӣ ва содиротӣ на танҳо дар Подшоҳии Белгия, балки дар миқёси Аврупо низ мақоми хосса дорад.

АКС: Сафорати Ҷумҳурии Тоҷикистон дар Подшоҳии Белгия