ЧЕМПИОНАТИ ҶАҲОНИИ ГӮШТИН-2026. Загреб мизбони сабқатҳои тарзи озод ва юнонӣ-римӣ мешавад

ДУШАНБЕ, 26.04.2026 /АМИТ «Ховар»/. Аз 13 то 21 сентябри соли 2026 дар шаҳри Загреби Хорватия Чемпионати ҷаҳон оид ба гӯштини тарзи озод ва юнонӣ-римӣ баргузор мегардад.

Ба иттилои манбаъҳо, дар чемпионати ҷаҳон варзишгарон дар 18 вазн рақобат менамоянд. Дар гӯштнии тарзи озод варзишгарон дар вазнҳои 57 кг, 61 кг, 65 кг, 70 кг, 74 кг, 79 кг, 86 кг, 92 кг, 97 кг ва 125 кг сабқат мекунанд. Дар гӯштини юнонӣ-римӣ паҳлавонон дар вазнҳои 55 кг, 60 кг, 63 кг, 67 кг, 72 кг, 77 кг, 82 кг, 87 кг, 97 кг ва 130 кг барои медалҳо мубориза мебаранд.

Тибқи барномаи мусобиқа, рӯзҳои аввал сабқатҳои гӯштини тарзи озод баргузор гардида, баъдан рақобатҳои гӯштини юнонӣ-римӣ доир мешаванд. Дар ҳар вазн марҳилаҳои интихобӣ, нимниҳоӣ ва финалӣ баргузор гардида, ғолибон ва ҷоизадорон муайян карда мешаванд.

Чемпионати ҷаҳон-2026 аҳамияти махсус дошта, яке аз мусобиқаҳои муҳими давраи нави олимпӣ ба ҳисоб меравад.

Интизор меравад, ки дар чемпионати ҷаҳон садҳо варзишгар аз даҳҳо кишвари ҷаҳон, аз ҷумла аз Тоҷикистон иштирок намуда, барои ба даст овардани унвони чемпионии ҷаҳон рақобат намоянд.

АКС аз манбаъҳои боз