Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илми ҳуқуқшиносӣ ҳамоиш доир шуд
ДУШАНБЕ, 08.04.2026. /АМИТ «Ховар»/. Бахшида ба 35-солагии Истиқлоли давлатии Тоҷикистон 7 апрел дар Донишгоҳи давлатии ҳуқуқ, бизнес ва сиёсати Тоҷикистон таҳти унвони «Истиқлоли давлатӣ ва рушди илми ҳуқуқшиносӣ дар Ҷумҳурии Тоҷикистон» конференсияи илмӣ-назариявии ҷумҳуриявӣ баргузор гардид.
Тавре ба АМИТ «Ховар» аз ин донишгоҳ иттилоъ доданд, иштирокчиёни конференсия нақши Истиқлолияти давлатӣ ва рушди заминаҳои ҳуқуқиро дар пешрафти давлат муҳим арзёбӣ намуда, иброз доштанд, ки дар шароити муосири ҷаҳонӣ ҳифзи истиқлолу озодӣ, таҳкими давлатдорӣ ва рушди илми ҳуқуқшиносӣ аз вазифаҳои аввалиндараҷаи ҷомеа ба шумор мераванд.
Гуфта шуд, ки дастовардҳои даврони Истиқлолият барои рушди устувори низоми ҳуқуқӣ ва таҳкими пояҳои давлатдории миллӣ заминаи мусоид фароҳам овардаанд. Дар ин замина таҳқиқоти илмӣ ва мубодилаи афкор байни мутахассисон барои пешрафти минбаъдаи илми ҳуқуқшиносӣ аҳамияти хосса доранд.
Зимни муҳокимаҳо ба масъалаи рушди кадрҳои илмӣ ва тарбияи насли ҷавони ҳуқуқшинос диққати махсус дода шуд. Иштирокчиён таъкид карданд, ки дастгирии олимони ҷавон, фароҳам овардани шароити мусоид барои анҷом додани таҳқиқоти илмӣ ва ҷалби онҳо ба лоиҳаҳои илмӣ метавонад ба рушди устувори илми ҳуқуқшиносӣ ва такмили низоми давлатдорӣ дар мамлакат мусоидат намояд.
Иштирокчиён дар ҷараёни конференсия дар мавзуъҳои «Ташаккул ва рушди қонунгузории сайёҳӣ дар Ҷумҳурии Тоҷикистон», «Баъзе масоили ҳуқуқии таҳкими давлатдории миллӣ дар Ҷумҳурии Тоҷикистон», «Рушди қонунгузорӣ дар бораи мақомоти прокуратураи Тоҷикистони соҳибистиқлол», «Таърихнигории системаи ҳифзи ҳуқуқ- заминаи баланд бардоштани маърифати ҳуқуқии кормандони ҳифзи ҳуқуқ» ва ғайра маъруза намуданд.
АКС: Донишгоҳи давлатии ҳуқуқ, бизнес ва сиёсати Тоҷикистон
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
