Дар Душанбе масъалаи ҷалби сармоягузорӣ ба иқтисоди Тоҷикистон баррасӣ гардид

ДУШАНБЕ, 10.04.2026. /АМИТ «Ховар»/. Масъалаҳои марбут ба  густариши ҳамкорӣ  ва ҷалби сармоя дар мулоқоти Раиси Кумитаи  давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо  намояндагони Бонки Осиёии рушд дар Душанбе  баррасӣ карда шуданд, иттилоъ  медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.

Мусоҳибон ба  ҷалби сармоя ва татбиқи лоиҳаҳои муштарак дар самтҳои афзалиятнок, хусусан ба имконияти рушди идоракунии кишоварзӣ, таъмини амнияти озуқаворӣ, ҳифзи муҳити зист ва истифодаи устувори захираҳои табиӣ бештар таваҷҷуҳ равона карда шуд. Ҷонибҳо доир ба рушди иҷтимоию иқтисодии минтақаҳои кӯҳистон, беҳтар кардани инфрасохтори маҳаллӣ ва сатҳи зиндагӣ мубодилаи афкор намуданд.

Таъкид шуд, ки амалӣ намудани лоиҳаҳои муштарак дар ин самтҳо метавонад ба тақвияти иқтидори иқтисодии мамлакат ва рушди устувор мусоидат намояд.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон