Дар шаҳри Москва Чемпионати кушод оид ба ҷудо таҳти унвони “Дӯстии халқҳо” оғоз гардид

ДУШАНБЕ, 18.04.2026. /АМИТ «Ховар»/. Имрӯз дар шаҳри Москва дар доираи эълон гардидани соли 2026 “Соли ягонагии миллатҳо” дар Русия Чемпионати кушод оид ба ҷудо таҳти унвони “Дӯстии халқҳо” оғоз гардид, хабар медиҳад мухбири АМИТ “Ховар” дар Федератсияи Русия.

Мусобиқаи мазкур бо ибтикории Ассамблеяи байналхалқии “Дӯстии миллатҳо” дар ҳамкории бо Клубии варзишии Ҷоизадори Бозиҳои Олимпии Пекин-2008 Расул Боқиев “New Fitness”, Кумитаи кор бо ҷавонон ва варзиши Шурои ҷамъиятии назди Сафорати Ҷумҳурии Тоҷикистон дар Федератсияи Русия бо дастгирии Федератсияи ҷудои Тоҷикистон  баргузор мегардад.

Дар мусобиқа беш аз 100 нафар варзишгарон аз зиёда аз 15 вилояти Русия, аз ҷумла аз Екатеренбург, Тюмен, Ростов на Дону, Иваново, Липеск, Москва ва вилояти он, инчунин аз ҷумҳуриҳои Қирғизистон, Узбекистон ва Тоҷикистон байни ҳам рақобат менамоянд.     

Дар мусобиқа варзишгарон дар вазнҳои  то 60 кг, 66 кг, 73 кг, 81 кг, 90 кг, 100 кг ва  +100  кг рақобат намуда, ғолибон бо медал ва туҳфаҳои пулӣ сарфароз гардонида мешаванд.

Лозим ба таъкид аст, ки ин намуди мусобиқаи варзишӣ маротибаи сеюм дар соли 2026 баргузор мегардад ва дар назар аст, ки дар оянда боз доир карда шавад.

АКС: АМИТ “Ховар”