«ХИЗМАТ БА ВАТАН ҚАРЗИ ФАРЗАНДИИ МОСТ!». Ҷавонони шаҳри Ҳисор ба таври ихтиёрӣ ба комиссариати ҳарбӣ ҳозир шуданд
ДУШАНБЕ, 02.04.2026 /АМИТ «Ховар»/. 1 апрел дар шаҳри Ҳисор таҳти унвони «Хизмат ба Ватан қарзи фарзандии мост!» чорабинии тантанавии Рӯзи даъватшаванда баргузор гардид, иттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Қабл аз оғози чорабинӣ даъватшавандагону хизматчиёни қисмҳои ҳарбии ҳудуди шаҳр ва ҷавонони фаъол аз назди бинои комиссариати ҳарбӣ тавассути кӯчаҳои марказӣ то Кохи фарҳанги шаҳр бо шиорҳои ватандӯстона ва садои карнаю сурнай роҳпаймоӣ намуданд.
Раиси шаҳр Ҷаббор Носирзода баъд аз гузориши низомии комиссари шаҳр оид ба омодагии даъватшавандагон барои иштирок дар Рӯзи даъватшаванда сухан намуда, ба ҷавононе, ки бо амри виҷдон ва ба таври ихтиёрӣ ба комиссариати ҳарбӣ ҳозир шудаанд ва ба волидайну устодонашон изҳори сипос намуд.
Иброз гардид, ки бо шарофати ғамхориҳои Ҳукумати мамлакат, бахусус дастгириву ташаббусҳои пайвастаи Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон шароити буду бош ва хизмати аскарон дар қисмҳои низомӣ сол аз сол беҳтар гардида, давоми солҳои соҳибистиқлолӣ Қувваҳои Мусаллаҳи Тоҷикистон аз имтиҳонҳои сангини таърих гузашта дар минтақа ҳамчун яке аз ниҳодҳои тавоною қудратманд ташаккул ёфтааст.
Гуфта шуд, ки бо маблағгузории мақомоти иҷроияи ҳокимияти давлатии шаҳр 80 нафар ба даврҳои омӯзишии ронандагии Ташкилоти ҷамъиятии мададгори мудофиа ҷалб гардиданд. Онҳо соҳиби шаҳодатномаи ронандагӣ гардида, дар қисмҳои ҳарбӣ ба сифати ронанда ба Ватан содиқона хизмат хоҳанд кард.
АКС: Мақомоти иҷроияи ҳокимияти давлатии шаҳри Ҳисор
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
