Ҷавонони шаҳри Хуҷанд дар мусобиқаҳои сатҳи гуногун беш аз 2600 медал ба даст оварданд
ДУШАНБЕ, 21.05.2026 /АМИТ «Ховар»/. Дар соли 2025 ва панҷ моҳи соли 2026 2672 нафар ҷавонони шаҳри Хуҷанд дар мусобиқаҳои гуногуни сатҳи маҳаллӣ, байналмилалӣ ва ҷумҳуриявӣ иштирок намуданд, ки 892 нафари онҳо медали тилло, 841 нафар медали нуқра ва 940 нафар медали биринҷиро соҳиб гардиданд. Чунин баён гардид зимни ҷаласаи васеи Шурои кор бо ҷавонони назди Раиси шаҳри Хуҷанд. Дар ин хусус АМИТ «Ховар» бо истинод ба хадамоти матбуоти Раиси шаҳри Хуҷанд хабар медиҳад.
Ҷаласа бахшида ба Рӯзи ҷавонони Тоҷикистон (23 май) доир шуд. Зимни он иброз гардид, ки дастовардҳои варзишгарон гувоҳи он аст, ки ҷавонон ҳамеша дар боло рафтани эътибори ватанамон дар сатҳи ҷаҳонӣ саҳми арзанда мегузоранд.
Баён шуд, ки дастгирии ҷавонон дар меҳвари сиёсати Ҳукумати Ҷумҳурии Тоҷикистон зери роҳбарии Президенти Ҷумҳурии Тоҷикистон муҳтарам Эмомалӣ Раҳмон қарор дошта, ба масъалаи амалӣ намудани иқдомҳои неку созандаи ҷавонон ва ҷалби онҳо ба мақоми роҳбарикунанда пайваста таваҷҷуҳ зоҳир карда мешавад.
Дар айни замон дар шаҳр садҳо нафар ҷавонон дар корҳои роҳбарии шохаҳои ҳокимият, истеҳсолоту тиҷорат, илму таҳсилот ва ғайра пурсамар фаъолият доранд.
Шоистаи ифтихор аст, ки имрӯз зиёда аз 1000 нафар ҷавонписарону ҷавондухтарони шаҳри Хуҷанд дар муассисаҳои таҳсилоти олии касбии Федератсияи Русия, Ҷумҳурии Мардумии Чин, Малайзия, Олмон, Англия ва Қазоқистон таҳсили илм доранд.
Ҳамзамон тибқи маълумоти Маркази миллии тестӣ, аз шумораи умумии 2180 нафар ҷавонони шаҳри Хуҷанд бештар аз 400 нафарашон дар мактабҳои олии пойтахти мамлакат таҳсил мекунанд.
Ҳамзамон дар шаҳр барои рушди соҳаи варзиш ва оммавигардонии он беш аз 400 иншооти варзишӣ, инчунин варзишгоҳ, толорҳои варзишӣ ва ҳавзҳои шиноварӣ мавриди истифода қарор доранд.
Ба муносибати 35-солагии Истиқлоли давлатии Ҷумҳурии Тоҷикистон сохтмону азнавбарқароркунӣ ва таъмири иншооти зиёде дар соҳаи варзиш ба нақша гирифта шуда, то имрӯз зиёда аз 100 иншоот сохта, ба истифода дода шудааст.
АКС: Хадамоти матбуоти Раиси шаҳри Хуҷанд
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
