Баҳодур Шерализода дар Ню-Йорк ва Вашингтон бо шарикони рушд ва ниҳодҳои байналмилалӣ оид ба ҳамкории иқлимӣ мулоқот намуд
ДУШАНБЕ, 23.05.2026 /АМИТ «Ховар»/. Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода дар шаҳрҳои Ню-Йорк ва Вашингтон бо роҳбарияти як қатор созмонҳо ва ниҳодҳои байналмилалии рушд мулоқот намуд.
Тавре ба АМИТ «Ховар» аз Кумитаи ҳифзи муҳити зист назди Ҳукумати Ҷумҳурии Тоҷикистон хабар доданд, дар қароргоҳи Созмони Милали Муттаҳид дар шаҳри Ню-Йорк мулоқоти Баҳодур Шерализода бо Муовини Дабири кулли СММ, муовини Мудири БРСММ ва Директори Бюрои минтақавӣ барои Аврупо ва ИДМ Ивана Живкович баргузор гардид.
Ҷонибҳо масъалаҳои ҳамкорӣ дар самтҳои мутобиқшавӣ ба тағйирёбии иқлим, ҳифзи гуногунии биологӣ, маблағгузории иқлимӣ ва раванди таҳияи NDC 3.0-и Тоҷикистонро баррасӣ намуданд.
Дар шаҳри Вашингтон Баҳодур Шерализода бо Роҳбари Фонди мутобиқшавӣ (Adaptation Fund) Микко Олликайнен мулоқот намуд. Зимни вохӯрӣ масъалаҳои дастгирии лоиҳаҳои Тоҷикистон дар самтҳои мутобиқшавӣ ба тағйирёбии иқлим, ҳифзи пиряхҳо, идоракунии устувори захираҳои табиӣ ва ҷараёни аккредитатсияи яке аз марказҳои тобеи Кумита дар назди Фонд муҳокима гардиданд.
Ҳамчунин, мулоқоти дуҷонибаи Раиси Кумитаи ҳифзи муҳити зист назди Ҳукумати Ҷумҳурии Тоҷикистон Баҳодур Шерализода бо Директори иҷроияи Фонди вокуниш ба талафот ва зарар (FRLD) Иброҳима Шайх Дионг баргузор шуд.
Ҷонибҳо масъалаҳои арзёбӣ ва бартарафсозии талафот ва зарари вобаста ба тағйирёбии иқлим, аз ҷумла обшавии пиряхҳо, ҳодисаҳои гидрометеорологӣ ва таъсири иқлим ба ҷамоатҳои осебпазирро баррасӣ намуданд.
Дар анҷоми мулоқотҳо ҷонибҳо омодагии худро барои густариши ҳамкории минбаъда дар самти баланд бардоштани устувории иқлимӣ, ҳифзи муҳити зист ва ҷалби маблағгузории байналмилалии иқлимӣ таъкид карданд.
Ёдовар мешавем, ки Фонди вокуниш ба талафот ва зарар дар доираи COP27 соли 2022 дар Шарм-аш-Шайх таъсис ёфта, аз соли 2023 фаъолияти худро оғоз намуд. Фонд муваққатан аз ҷониби Бонки ҷаҳонӣ мизбонӣ шуда, бо мақсади расонидани кумаки грантӣ ба кишварҳои рӯ ба тараққии осебпазир барои ҷуброн намудани талафот, зарари иқтисодӣ ва ғайрииқтисодии вобаста ба тағйирёбии иқлим таъсис дода шудааст.
АКС: Кумитаи ҳифзи муҳити зист назди Ҳукумати Ҷумҳурии Тоҷикистон
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
Намояндагони Тоҷикистон дар ҷаласаи 69-уми Шурои байнидавлатӣ оид ба стандартизатсия иштирок намуданд
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
Талаботи Тоҷикистон ба филизоти сиёҳ то соли 2035 ба беш аз 2,3 миллион тонна мерасад
