Дар Истаравшан Чемпионати Ҷумҳурии Тоҷикистон оид ба гӯштини юнонӣ-румӣ доир шуд
ДУШАНБЕ, 13.05.2026 /АМИТ «Ховар»/. Дар шаҳри Истаравшан Чемпионати Ҷумҳурии Тоҷикистон оид ба гӯштини юнонӣ-румӣ байни варзишгарони 17 ва 23-сола баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Истаравшан хабар медиҳад.
Иттилоъ дода шуд, ки дар мусобиқа варзишгарон аз шаҳру вилоятҳои Суғд, Хатлон, Бадахшон ва шаҳри Душанбе иштирок намуданд.
Гӯштини юнонӣ-румӣ яке аз намудҳои қадимтарин ва пурифтихори варзиш ба ҳисоб меравад. Ин намуди гӯштин аз варзишгар неруи бузурги ҷисмонӣ, ҳушёрӣ, малакаи баланд ва иродаи қавӣ талаб мекунад. Дар ҳар рақобат на танҳо қувваи мушак, балки ақлу заковат, сабру таҳаммул ва фарҳанги варзишӣ низ санҷида мешавад.
Варзишгарони тоҷик дар ин намуди варзиш ба дастовардҳои назаррас ноил гардида, дар мусобиқаҳои байналмилалӣ бо ифтихор Парчами давлатии Ҷумҳурии Тоҷикистонро парафшон менамоянд. Ин муваффақият натиҷаи меҳнати пайвастаи варзишгарон, мураббиёни соҳибтаҷриба ва дастгирии давлату Ҳукумат мебошад.
Иброз гардид, ки варзиш дар ҷомеаи муосир танҳо василаи мусобиқа нест, балки он мактаби тарбия, сабақи матонат ва майдони ташаккули иродаи инсон мебошад. Маҳз тавассути варзиш ҷавонон ҷасорат, сабру таҳаммул, интизом ва эҳтиром ба рақибро меомӯзанд. Варзиш инсонро ба зиндагии солим, фаъолияти созанда ва ҳифзи арзишҳои миллӣ ҳидоят мекунад.
Дар фарҷом ба ғолибони мусобиқа Диплом ва медалҳо супорида шуданд.
АКС: Мақомоти иҷроияи ҳокимияти давлатии шаҳри Истаравшан
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
