Дар Коллеҷи омори шаҳри Ваҳдат Рӯзи ҷавонон ва Рӯзи ҷаҳонии футболро бошукуҳ таҷлил намуданд
ДУШАНБЕ, 21.05.2026 /АМИТ «Ховар»/. Дар Коллеҷи омори шаҳри Ваҳдат бахшида ба Рӯзи ҷавонони Тоҷикистон ва Рӯзи ҷаҳонии футбол чорабинии маърифатию фарҳангӣ таҳти унвони «Пешвои миллат — бунёдгузори сиёсати давлатии ҷавонон» баргузор гардид.
Тавре ба АМИТ «Ховар» аз Коллеҷи омори шаҳри Ваҳдат хабар доданд, дар ҳамоиш намояндагони Кумитаи иҷроияи Ҳизби Халқии Демократии Тоҷикистон дар шаҳри Ваҳдат, бахши кор бо занони мақомоти иҷроияи ҳокимияти давлатии шаҳр, инчунин омӯзгорону донишҷӯёни муассиса иштирок намуданд.
Директори Коллеҷи омори шаҳри Ваҳдат Исломбек Зоирзода зимни ифтитоҳи чорабинӣ гуфт, ки ҷавонон ҳамчун неруи фаъоли ҷомеа дар меҳвари сиёсати давлатӣ қарор дошта, бо дастгирии пайвастаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои таҳсил, илм, варзиш ва иштироки фаъолонаи онҳо дар ҳаёти ҷомеа шароити мусоид фароҳам оварда шудааст.
Гуфта шуд, ки рушди соҳаи варзиш, махсусан футбол, дар тарғиби тарзи ҳаёти солим, таҳкими дӯстиву ҳамдигарфаҳмӣ ва тарбияи ҷавонон дар руҳияи ватандӯстӣ нақши муҳим дорад.
Дар идомаи чорабинӣ ғолибон ва фаъолони мусобиқаҳои варзишӣ ва дигар озмунҳои дохилимуассисавӣ бо «Диплом», «Ифтихорнома» ва «Сипоснома» қадрдонӣ карда шуданд.
Дар қисмати фарҳангии ҳамоиш донишҷӯён бо пешниҳоди суруду таронаҳои ватандӯстона, саҳначаҳои ҷолиб ва рақсу ҳунарҳои дилнишин ба чорабинӣ шукуҳи идона бахшиданд.
АКС: Коллеҷи омори шаҳри Ваҳдат
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
