Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
ДУШАНБЕ, 25.05.2026 /АМИТ “Ховар”/. 24 май бо ибтикори Сафорати Ҷумҳурии Тоҷикистон дар Ҷумҳурии Федеративии Олмон ва дар ҳамкорӣ бо фаъолони диаспораи тоҷикон мусобиқаи футбол бахшида ба Рӯзи ҷаҳонии футбол дар шаҳри Оснабрюки Ҷумҳурии Федеративии Олмон баргузор гардид.
Тавре ба АМИТ “Ховар” аз Сафорати Ҷумҳурии Тоҷикистон дар Ҷумҳурии Федеративии Олмон хабар доданд, чорабинии мазкур дар партави ташаббусҳои байналмилалии Ҷумҳурии Тоҷикистон дар соҳаи варзиш ва футбол доир гардида, 15 даста аз шаҳрҳои гуногуни Олмон ва дар маҷмуъ зиёда аз 250 нафар бозингарону тамошобинонро ба ҳам овард.
Боиси таъкидт, ки соли 2024 Созмони Милали Муттаҳид бо пешниҳоди Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ қатъномаи махсусро оид ба Рӯзи ҷаҳонии футбол қабул намуд, ки ҳамчун дастгирии ташаббусҳои байналмилалии Тоҷикистон арзёбӣ гардида, ба таҳкими нуфузи кишвар дар арсаи ҷаҳонӣ мусоидат кард.
Сафири Ҷумҳурии Тоҷикистон дар Ҷумҳурии Федеративии Олмон Имомудин Сатторов иштирокчиёни мусобиқаро ба муносибати Рӯзи ҷаҳонии футбол табрик гуфта, ба ғолибон медал, ҷом, ифтихорнома ва мукофотҳои пулӣ тақдим намуд.
Аз рӯи натиҷаҳои мусобиқа дастаи шаҳри Липпштадт сазовори ҷойи якум, дастаи шаҳри Кёлн соҳиби ҷойи дуюм ва дастаи шаҳри Оснабрюк барандаи ҷойи сеюм гардиданд.
АКС: Сафорати Ҷумҳурии Тоҷикистон дар Ҷумҳурии Федеративии Олмон
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
