DUSHANBE GRAND SLAM 2026. Имрӯз ҷудочиён аз рӯи 4 вазн қувва меозмоянд
ДУШАНБЕ, 02.05.2026. /АМИТ «Ховар»/. Имрӯз, 2 май дар пойтахти Ҷумҳурии Тоҷикистон — шаҳри Душанбе дар Қасри теннис ва маҷмааи варзишҳои обӣ Мусобиқаи байналмилалии ҷудо «Dushanbe Grand Slam 2026» идома меёбад, хабар медиҳад хабарнигори АМИТ «Ховар».
Дар рӯзи якуми мусобиқа варзишгарони тоҷик ду медал ба даст оварданд. Эмомалӣ Нуралӣ дар вазни то 66 кг медали тилло ва Лоиқ Қутбиддинов дар вазни то 60 кг медали биринҷиро сазовор гардиданд.
Дар рӯзи дуюми мусобиқа варзишгарон аз рӯи 4 вазн: -63 кг, -70 кг байни занон ва -73 кг ва -81 кг байни мардон қувва меозмоянд.
Аз Тоҷикистон дар ин рӯз 9 ҷудочӣ иштирок менамояд.
Байни занон
Вазни — 63 кг: Ҷонона Назарова.
Байни мардон
Вазни -73 кг: Муҳиддин Асадуллоев, Бинёмин Назиров, Абдулло Ориф ва Масъуд Аҳмадзод.
Вазни -81 кг: Сомон Маҳмадбеков, Абубакр Боқиев, Сунатулло Мусоев ва Бахтиёр Бозоров.
Дар рӯзи якуми мусобиқа Тоҷикистонро 17 варзишгар муаррифӣ намуд. Байни занон Аҳлия Муминова, Нушин Ҷумаева ва Марям Назарова дар вазни -48 кг, Суҳайло Сафарзода, Мадина Қурбонзода, Зуҳал Ҷумаева ва Райҳонаи Розиқзода дар вазни -52 кг ва Раҳмия Ҳанҷарбекова, Сабина Каримова дар вазни -57 кг иштирок карданд. Байни мардон Икром Шамсов, Лоиқ Қутбиддинов, Меҳрзод Суфиев ва Рамзиддин Азизов дар вазни -60 кг ва Эмомалӣ Нуралӣ, Мусанниф Миробов, Обид Ҷебов ва Искандар Муҳамадхоҷазода дар вазни -66 кг ҳунарнамоӣ карданд.
Маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн байни мардон ва 7 вазн байни занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро сарфароз гардонида мешаванд.
Дар «Dushanbe Grand Slam- 2026» 240 варзишгар, ки 142 мард ва 98 зан аз 34 давлати ҷаҳон иштирок доранд.
АКС: АМИТ «Ховар»
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
