DUSHANBE GRAND SLAM 2026: ҷудокорони Тоҷикистон 4 медал ба даст оварданд
ДУШАНБЕ, 04.05.2026. /АМИТ «Ховар»/. 1-3 май дар пойтахти Ҷумҳурии Тоҷикистон — шаҳри Душанбе Мусобиқаи байналмилалии Dushanbe Grand Slam 2026 оид ба ҷудо баргузор гардид, хабар медиҳад АМИТ «Ховар».
Дар ин мусобиқа 240 варзишгар аз 34 кишвари ҷаҳон иштирок намуда, Ҷумҳурии Тоҷикистонро 40 ҷудочӣ намояндагӣ карданд.
Варзишгарони Тоҷикистон дар маҷмуъ ба гирифтани 4 медал (3 тилло ва 1 биринҷӣ) ноил гардиданд.
Дар рӯзи якуми рақобатҳо паҳлавони тоҷик Эмомалӣ Нуралӣ дар вазни то 66 кг соҳиби медали тилло гардид. Ӯ дар роҳи финал бар намояндагони Узбекистон, Озарбойҷон ва Федератсияи Русия пирӯз шуда, дар рақобати ҳалкунанда бар Азизбек Ортиқов (Узбекистон) дастболо шуд.
Ҳамчунин Лоиқ Қутбуддинов дар вазни то 60 кг медали биринҷӣ ба даст овард. Лоиқ Қутбуддинов дар мубориза барои ҷойи сеюм бар намояндаи Фаронса Максим Мерлин ғолиб омад.
Дар рӯзи дуюми мусобиқа ҷудочиёи тоҷик боз ду медали тилло ба даст оварданд.
Муҳиддин Асадуллоев дар вазни то 73 кг бо пирӯзӣ бар рақибонаш аз Аморати Муттаҳидаи Арабӣ, Узбекистон ва Озарбойҷон ба финал роҳ ёфта, дар он бар намояндаи Русия Карен Галстиан ғолиб омада, соҳиби нишони тилло гардид.
Сомон Маҳмадбеков дар вазни то 81 кг низ ба гирифтани медали тилло ноил шуд. Сомон дар финал бар намояндаи Австрия Бернд Фашинг пирӯз гардид.
Пас аз анҷоми мусобиқа дастаи мунтахаби Тоҷикистон аз рӯи шумораи медалҳо дар ҷойи дувум қарор гирифт.
Дар рӯзи ниҳоии мусобиқа варзишгарони дигари кишвар дар вазнҳои 90 кг, 100 кг ва +100 кг ҳунарнамоӣ намуда, ба гирифтани медал муваффақ нашуданд.
Ёдовар мешавем, ки соли 2025 ҷудочиёни Тоҷикистон дар мусобиқаи Dushanbe Grand Slam 2025 бо ба даст овардани 11 медал (4 тилло, 3 нуқра ва 4 биринҷӣ) байни 27 кишвари иштирокчӣ ҷойи аввалро ишғол намуда буданд, ки ин натиҷа яке аз беҳтарин дастовардҳо дар таърихи ҷудои миллӣ маҳсуб мешавад.
АКС: АМИТ «Ховар»/ijf.org
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
