Иқтидори кишоварзии Тоҷикистон дар доираи Конфронси 35-уми минтақавии ФАО дар Душанбе муаррифӣ карда шуд
ДУШАНБЕ, 11.05.2026 /АМИТ «Ховар»/. Имрӯз бо ташкили намоишгоҳ дар доираи Конфронси 35-уми минтақавии Созмони озуқаворӣ ва кишоварзии Созмони Милали Муттаҳид барои Аврупо ва Осиёи Марказӣ дастовардҳои кишоварзии Тоҷикистон ва ҳамкории кишвар бо ин ташкилот муаррифӣ карда шуд, иттилоъ медиҳад хабарнигори АМИТ «Ховар». Дар
Дар намоишгоҳ иқтидори кишоварзӣ, обию энергетикӣ, сайёҳӣ, ҷангал, натиҷаҳои ҳамкории Тоҷикистон бо ташкилот ва дастовардҳои инноватсионию рақамикунонии соҳаи кишоварзии мамлакат ба намоиш гузошта шуд.
Директори генералии ФАО Тсюй Дунъюй зимни боздид аз намоишгоҳ ба иқтидори соҳаи кишоварзии Тоҷикистон ва ҳамкории он бо ФАО баҳои баланд дод.
Хусусан дар намоишгоҳ расму мусаввараҳои марбут ба комёбиҳои соҳаи кишоварзии мамлакат, аз ҷумла, ба Феҳристи «Низоми мероси кишоварзии дорои аҳамияти ҷаҳонӣ»– «GIAHS» —Globally Important Agriculture Heritage System ворид гардидани дараи Алмосӣ, гӯсфанди зоти ҳисорӣ ва ангури тоифии гулобӣ, ки намунаи барҷастаи ҳамкории Ҷумҳурии Тоҷикистон бо Созмони озуқаворӣ вакишоварзии Созмони Милали Муттаҳид арзёбӣ мегардад, таваҷҷуҳи ҳар бинандаро ҷалб намуд.
Инчунин намоиши навъҳои гуногуни растанию зироати кишоварзӣ, меваю сабзавот, соҳаи чорводорию занбурпарварӣ, ки дар намоишгоҳ ба маърази тамошо гузошта шуда буданд, бозгӯи иқтидори бузурги соҳаи кишоварзӣ дар Тоҷикистон арзёбӣ гардид.
Бояд тазаккур дод, ки аз 11 то 15 май Душанбе мизбони Конфронси 35-уми минтақавии Созмони озуқаворӣ ва кишоварзии Созмони Милали Муттаҳид (ФАО) барои Аврупо ва Осиёи Марказӣ мебошад. Баррасии масъалаҳои муҳими таъмини амнияти озуқаворӣ, рушди устувори соҳаи кишоварзӣ, истифодаи оқилонаи захираҳои табиӣ ва рушди минтақаҳои деҳот аз ҳадафҳои асосии конфронс мебошад. Дар ҷаласа ҳамзамон таваҷҷуҳи махсус ба масъалаи табдили низоми агроозуқаворӣ дар шароити тағйирёбии иқлим, буҳронҳои иқтисодӣ ва афзоиши хатарҳои ҷаҳонӣ равона мегардад.
Марзия САИДЗОДА,
Тоҳирҷон САИД (АКС),
АМИТ «Ховар»
Дар хоҷагии деҳқонии «Ҳолиёр Қурбонов»-и Қубодиён дар 11 гектар меваю зироат парвариш мешавад
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
