Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
ДУШАНБЕ, 21.05.2026 /АМИТ «Ховар»/. Ҳайати Тоҷикистон 21 май дар шаҳри Бишкек дар ҷаласаи роҳбарони мақомоти салоҳиятдори давлатҳои аъзои Созмони ҳамкории Шанхай (СҲШ), ки ваколати мубориза бар зидди гардиши ғайриқонунии маводи нашъаоварро доранд, иштирок намуд.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Қирғизистон хабар доданд, дар ҷаласа диққати асосӣ ба арзёбии вазъи кунунии маводи нашъаовар дар давлатҳои аъзои Созмони ҳамкории Шанхай, тамоюлҳои муосири рушди таҳдидҳои вобаста ба маводи нашъаовар, инчунин масъалаҳои ҳамоҳангсозии ҳамкории амалӣ байни мақомоти зиддимухаддиротӣ равона гардид.
Ҳамчунин масъалаҳои паҳншавии маводи нашъаовари синтетикӣ, моддаҳои нави психоактивӣ, прекурсорҳо ва моддаҳои кимиёвие, ки барои истеҳсоли ғайриқонунии маводи нашъаовар истифода мешаванд, мавриди баррасии алоҳида қарор гирифтанд.
Сардори Ситоди Агентии назорати маводи нашъаовари назди Президенти Ҷумҳурии Тоҷикистон Лоиқ Қурбонализода ба иштирокчиён оид ба татбиқи «Стратегияи миллӣ оид ба назорати маводи нашъаовар дар Ҷумҳурии Тоҷикистон барои солҳои 2021–2030», ки ба такмили механизмҳои пешгирӣ, таҳкими назорат аз болои прекурсорҳо, рушди ҳамкории байналмилалӣ ва таҳкими ҳамоҳангсозии байниидоравӣ равона гардидааст, иттилоъ дод.
Таъкид гардид, ки Ҷумҳурии Тоҷикистон пайваста ҷонибдори таҳкими механизмҳои дастаҷамъии амният ва густариши ҳамкории амалии давлатҳои аъзои Созмони ҳамкории Шанхай дар самти муқовимат ба таҳдидҳои муосири марбут ба маводи нашъаовар мебошад.
Аз рӯйи натиҷаҳои ҷаласа иштирокчиён лоиҳаҳои Барномаи давлатҳои аъзои Созмони ҳамкории Шанхай оид ба ҳамоҳангсозии чораҳо дар мубориза бар зидди паҳншавии маводи нашъаовари синтетикӣ ва прекурсорҳои онҳо то соли 2030, инчунин Барномаи давлатҳои аъзои СҲШ оид ба мубориза бо нашъамандӣ то соли 2030-ро барои пешниҳод ба тасдиқи Шурои сарони давлатҳои аъзои СҲШ мувофиқа намуданд.
Дар ҳошияи чорабинӣ мулоқотҳои кории ҳайати Тоҷикистон бо роҳбарони мақомоти соҳавии давлатҳои аъзои Созмони ҳамкории Шанхай баргузор гардиданд, ки зимни онҳо масъалаҳои рушди минбаъдаи ҳамкорӣ ва ҳамоҳангӣ дар соҳаи зиддимухаддиротӣ муҳокима шуданд.
АКС: Сафорати Ҷумҳурии Тоҷикистон дар Ҷумҳурии Қирғизистон
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
