Ғолибони даври ҳафтуми Чемпионати Тоҷикистон оид ба футбол байни дастаҳои Лигаи олӣ муайян шуданд

ДУШАНБЕ, 05.05.2026. /АМИТ «Ховар»/. Бозиҳои даври ҳафтуми Чемпионати Тоҷикистон оид ба футбол байни  дастаҳои Лигаи олӣ ба анҷом расиданд. Дар ин давр  дастаи футболи КМВА-и шаҳри Душанбе пешсафиро пас аз даври ҳафтум низ идома медиҳад.

Бо бозии дастаҳои футболи «Барқчӣ»-и шаҳри Ҳисор  ва «Регар-ТадАЗ»-и шаҳри Турсунзода  даври ҳафтуми Чемпионати Тоҷикистон оғоз шуд. Вохӯрии дастаҳо дар Варзишгоҳи марказии шаҳри Душанбе баргузор шуда, бо ҳисоби 4 бар 1 ба фоидаи дастаи футболи «Регар-ТадАЗ»-и шаҳри Турсунзода   хотима  ёфт. Ягона голи дастаи футболи «Барқчӣ»-и шаҳри Ҳисорро  Меҳрон Мадаминов ба нишон  расонид. Голҳои дастаи «Регар-ТадАЗ»-и шаҳри Турсунзодаро Абоммо, Шерзод Муҳаммадиев, Амирҷон Сафаров ва Нозим Бобоҷонов ба ҳадаф расониданд. Шерзод Муҳаммадиев аз ҳайати дастаи футболи «Регар-ТадАЗ»-и шаҳри Турсунзода беҳтарин бозингар дониста шуд.

Дар бозии дигари давр  дастаи футболи «Парвоз»-и Фурудгоҳи шаҳри Хуҷанд дар баробари дастаи  «Хуҷанд»-и шаҳри Хуҷанд дар варзишгоҳи  «20-солагии Истиқлолияти Тоҷикистон» бо ҳисоби 2 бар 0 зафар ёфт. Дар ин бозӣ дубли Квекудуан Даниел ғалабаи дастаи  футболи «Парвоз»-ро таъмин намуд. Квекудуан Даниел аз ҳайати дастаи футболи «Парвоз»-и Фурудгоҳи шаҳри Хуҷанд беҳтарин бозингари дидор эътироф шуд.

Рустам Хоҷаев бо дастаи футболи  «Сардор»-и шаҳри Турсунзода  дар варзишгоҳи «20-солагии Истиқлолияти Тоҷикистон» -и шаҳри Хуҷанд дар баробари дастаи  «Эсхата»-и шаҳри Хуҷанд  бо ҳисоби 4 бар 3 мағлуб шуд. Рисқибоев, Самандар Қодиров ва Худойдодов голҳои дастаи «Эсхата»-ро ба нишон  расониданд. Голҳои дастаи  «Сардор»-ро Азимов, Абубакр Сулаймонов ва Хушвахтов ба ҳадаф расониданд. Самандар Қодиров аз ҳайати дастаи футболи  «Эсхата» беҳтарин бозингари вохӯрӣ дониста шуд.

Дар Варзишгоҳи марказии ноҳияи Фархор дастаҳои футболи  «Ҳосилот»-и ноҳияи Фархор  ва «Равшан»-и шаҳри Кӯлоб  бозӣ карданд. Вохӯрии дастаҳо бо ҳисоби 1 бар 0 ба  фоидаи дастаи  «Ҳосилот»-и ноҳияи Фархор анҷом ёфт. Ягона голи бозиро Салоҳиддин Иргашев ба нишон расонида, беҳтарин бозингари дидор эътироф шуд.

Дастаҳои футболи  КМВА-и шаҳри Душанбе  ва «Истаравшан»-и шаҳри Истаравшан  дар Варзишгоҳи марказии шаҳри Душанбе бозӣ карданд. Вохӯрии дастаҳо бо ҳисоби 2 бар 1 ба фоидаи дастаи  КМВА-и шаҳри Душанбе  хотима ёфт. Комрони Мирзохон ва Вайсиддин Сафаров аз дастаи КМВА-и шаҳри Душанбе голҳоро ба ҳадаф расониданд. Ягона голи дастаи  «Истаравшан»-ро Файзиев ба нишон расонид. Вайсиддин Сафаров аз ҳайати дастаи КМВА-и  шаҳри Душанбе беҳтарин бозингари дидор дониста шуд.

Дар варзишгоҳи «Пахтакор»-и шаҳри Бохтар дастаҳои футболи «Вахш»-и шаҳри Бохтар  ва «Истиқлол»-и шаҳри Душанбе  дидор анҷом доданд. Бозии марказии давр бо ҳисоби 2 бар 0 ба фоидаи дастаи футболи «Истиқлол»-и шаҳри Душанбе  хотима ёфт. Рустам Соиров ва Содиқҷон Қурбонов аз ҳайати дастаи «Истиқлол»-и шаҳри Душанбе  голҳоро ба нишон расониданд. Рустам Соиров аз ҳайати дастаи «Истиқлол»-и шаҳри Душанбе  беҳтарин бозингари дидор эътироф гардид.

Пас аз анҷоми бозиҳои даври ҳафтум дастаи футболи  КМВА-и шаҳри Душанбе  бо 16 имтиёз дар зинаи аввал аст. Дастаи «Истиқлол»-и шаҳри Душанбе  бо 15 имтиёз дар зинаи дуюм, дастаи  «Регар-ТадАЗ»-и шаҳри Турсунзода  бо 14 имтиёз дар зинаи сеюм ва  дастаи дастаи футболи «Ҳосилот»-и ноҳияи Фархор  бо 11 имтиёз чаҳоргонаи беҳтаринҳоро дар ҷадвали мусобиқа пур мекунанд. Дастаҳои  футболи «Сардор»-и шаҳри Турсунзода  бо 5 имтиёз ва «Истаравшан»-и шаҳри  Истаравшан бо 3 имтиёз дар озири ҷадвали мусобиқа қарор доранд.

Ёдовар мешавем, ки бозиҳои  даври ҳаштуми Чемпионати Тоҷикистон оид ба футбол байни дастаҳои Лигаи олӣ 8-9 майи соли 2026  дар вазишгоҳҳои мамлакат баргузор мегарданд.

«Регар-ТадАЗ» – «Эсхата»

«Ҳосилот» – «Хуҷанд»

9 май | 18:00

«Равшан»– «Истаравшан»

«Парвоз» – «Вахш»

10 май | 18:00

«Сардор» – КМВА

«Истиқлол» – «Барқчӣ»

Меҳрони ҚУРБОН,
шореҳи варзиши АМИТ «Ховар»

АКС: Федератсияи футболи Тоҷикистон