Роҳбарияти Федератсияи футболи Тоҷикистон дар Конгресси 76-уми ФИФА дар Канада иштирок намуд
ДУШАНБЕ, 02.05.2026 /АМИТ «Ховар»/. Роҳбарияти Федератсияи футболи Тоҷикистон дар Конгресси 76-уми Федератсияи байналмилалии футбол (ФИФА), ки дар Ванкувери Канада баргузор шуд, иштирок кард.
Тавре ба АМИТ «Ховар» аз Федератсияи футболи Тоҷикистон хабар доданд, Федератсияи футболи Тоҷикистонро дар конгресс ноибони президент Алишер Урунов ва Искандар Ҷалилов, инчунин котиби генералӣ Фурқат Ахмедҷонов намояндагӣ карданд.
Президенти ФИФА Ҷанни Инфантино дар ҳамоиш сухан карда, якчанд лоиҳа, аз ҷумла барномаи «FIFA Forward»-ро, ки футболро дар саросари ҷаҳон босуръат рушд медиҳад, мисол овард.
Ба иттилои Инфантино, шумораи лоиҳаҳое, ки бо ҳамкории 211 ассотсиатсияи аъзои ФИФА амалӣ мешаванд, дар муқоиса бо давраҳои қаблӣ ҳашт маротиба афзоиш ёфтааст. Ӯ инчунин афзуд, ки сармоягузорӣ дар доираи барномаи «FIFA Forward» дар давраи оянда ба сатҳи рекордӣ хоҳад расид.
Дар конгресс Ҷанни Инфантино аз 211 иттиҳодияи аъзо ФИФА барои дастгирӣ ва натиҷаҳое, ки давоми 10 соли охир ба даст омадаанд, изҳори сипос кард ва нақшаи худро барои пешниҳоди номзадӣ ба мақоми президентӣ дар соли 2027 эълон намуд.
Конгресси 77-уми ФИФА 18 марти соли 2027 дар пойтахти Марокаш– шаҳри Работ баргузор мешавад.
АКС: Федератсияи футболи Тоҷикистон
Дар Москва бахшида ба Рӯзи Ваҳдати миллӣ Мусобиқа оид ба футболи хурд таҳти унвони «Ҳамбастагӣ-2026» баргузор шуд
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
