Байни Донишкадаи ҷумҳуриявии такмили ихтисос ва бозомӯзии кормандони соҳаи маориф ва IREX Ёддошти тафоҳум ба имзо расид
ДУШАНБЕ, 12.06.2026 /АМИТ «Ховар»/. Донишкадаи ҷумҳуриявии такмили ихтисос ва бозомӯзии кормандони соҳаи маориф бо Шурои байналмилалии таҳқиқот ва мубодила (IREX) Ёддошти тафоҳуми ҳамкорӣ ба имзо расониданд. Дар ин хусус ба АМИТ «Ховар» аз ин донишкада хабар доданд.
Ёддошти тафоҳум аз ҷониби ректори донишкада Наврӯз Мирзозода ва Президенти Шурои байналмилалии таҳқиқот ва мубодила (IREX) Александр Дарделӣ дар Сафорати Ҷумҳурии Тоҷикистон дар Иёлоти Муттаҳидаи Амрико ба имзо расонида шуд.
Ҳадафи асосии ин санади ҳамкорӣ рушди муносибатҳои мутақобилан судманд дар самти такмили ихтисос ва рушди касбии омӯзгорон, мубодилаи таҷрибаи пешқадами байналмилалӣ, татбиқи барномаҳои инноватсионии таълимӣ, таҳияи мавод ва захираҳои муосири омӯзишӣ, инчунин амалисозии лоиҳаҳои муштарак дар соҳаи маориф мебошад.
Дар маросими баимзорасонӣ Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода иштирок намуда, аҳамияти густариши ҳамкории байналмилалиро барои рушди соҳаи маориф ва баланд бардоштани сатҳу сифати таълим таъкид намуд.
Ҳамзамон ҷонибҳо масъалаҳои вобаста ба татбиқи самараноки Ёддошти тафоҳум, ба роҳ мондани барномаҳои муштараки омӯзишӣ, таҳкими иқтидори касбии омӯзгорон ва ҷалби таҷрибаи пешрафтаи байналмилалиро мавриди баррасӣ қарор доданд.
Изҳори итминон карда шуд, ки имзои ин санади муҳим марҳилаи нави ҳамкориро оғоз бахшида, барои рушди низоми такмили ихтисоси омӯзгорон, баланд бардоштани сифати таҳсилот ва таҳкими робитаҳои байналмилалии соҳаи маорифи Ҷумҳурии Тоҷикистон заминаҳои мусоид фароҳам хоҳад овард.
АКС: Донишкадаи ҷумҳуриявии такмили ихтисос ва бозомӯзии кормандони соҳаи маориф
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
