Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
ДУШАНБЕ, 25.06.2026 /АМИТ «Ховар»/. Кормандони шуъбаи Раёсати ташкили мубориза бар зидди ҳуқуқвайронкуниҳои гумрукии Хадамоти гумруки назди Ҳукумати Ҷумҳурии Тоҷикистон зимни баргузории амалиёти гумрукӣ дар маҳаллаи Чорбоғи шаҳри Душанбе миқдори зиёди маҳсулоти тамокуии ғайриқонуниро ошкор намуданд. Дар ин хусус АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон хабар медиҳад.
Ҳангоми боздошт ва санҷиши мошини тамғаи «Toyota Sienna» аз бағоҷи воситаи нақлиёт 4 қуттӣ маҳсулоти тамокуӣ дарёфт гардид. Дар ҳар як қуттӣ 50 баста (блок) ва дар маҷмуъ 2000 қуттича тамокуи тамғаи «MILANO LONDON», истеҳсоли Амороти Муттаҳидаи Араб мавҷуд буд. Муайян гардид, ки маҳсулот бе ҳуҷҷатҳои воридотии гумрукӣ ва бе тамғаҳои аксизӣ ба қаламрави Тоҷикистон ворид шудааст.
Зимни санҷиш маълум шуд, ки тамокуҳои ошкоршуда ба шаҳрванди Ҷумҳурии Тоҷикистон Н.М, сокини вилояти Суғд тааллуқ доранд.
Номбурда дар баёноти худ таъкид намудааст, ки маҳсулоти тамокуиро аз як шахс ба ивази қарз ба маблағи 1500 доллари амрикоӣ қабул карда, бо мақсади фурӯш ба шаҳри Душанбе интиқол додааст.
Вобаста ба ин ҳолат корҳои санҷишӣ ва муайян намудани ҳамаи ҳолатҳои қазия идома доранд.
АКС:Хадамоти гумруки назди Ҳукумати Ҷумҳурии Тоҷикистон
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
