Ғолибони Чемпионати Осиё оид ба бокс қадрдонӣ карда шуданд
ДУШАНБЕ, 01.06.2026 /АМИТ «Ховар»/. Дар вилояти Суғд бо ғолибон ва ҷоизадорони Чемпионати Осиё оид ба бокс байни наврасон вохӯрӣ доир гардид. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Иттилоъ дода шуд, ки Чемпионати Осиё оид ба бокс байни наврасон дар шаҳри Тошканди Ҷумҳурии Узбекистон баргузор шуда, дар он чор нафар варзишгари тоҷик байни муштзанҳои то синни 17-сола ба гирифтани медал мушарраф гардиданд.
Беҳрӯз Умаров (54 кг) ва Анушервон Сидиқов (46 кг) унвони қаҳрамониро ба даст оварда, соҳиби медалҳои тилло гардиданд. Муҳаммадҷон Сулаймонов (58 кг) ва Азизахон Бобоҷонова (52 кг) медалҳои биринҷӣ ба даст оварданд.
Гуфта шуд, ки дар вилоят барои рушди ин намуди варзиш тадбирҳои мушаххас амалӣ шуда истодаанд. Бо дастгирии мақомоти иҷроияи ҳокимияти давлатии вилоят ва Федератсияи бокси вилоят заминаи моддию техникӣ таҳким ёфта, шароити тамрину рақобат беҳтар мегардад.
Барои омода намудани варзишгарони болаёқат дар вилоят имкониятҳо бештар фароҳам оварда мешаванд. Дар Чемпионати Осиё оид ба бокс байни наврасон дар шаҳри Тошканд ғолибият ба даст овардани варзишгарони тоҷик низ натиҷаи ҳамин чораҷӯиҳо мебошад.
АКС: Хадамоти матбуоти Раиси вилояти Суғд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
